一寿司 (已結業)

知道黑夜壽司好幾年，一直都無機會試，咁啱經過雅蘭見到原來黑夜由9點半提早到6點，時間剛剛好6點幾無咩人，梗係即刻衝入去。餐單第一頁已經寫明小食，其他，串燒，甜品不設半價，any肥我興趣都只有壽司，半價壽司最低消費每人$90（連埋加10%服務費）同限時1.5小時。等壽司個陣無野做，咪睇下之前啲評分，睇完就覺得自己會唔會睇得太遲呢⋯⋯但係都安慰自己，應該無咁差嘅.....壽司黎到啦，最深刻係三文魚子，係我必叫嘅壽司，一放入口，喂，淋嘅！應該有嘅味都無嘅！吖，見隔離枱對情侶點左5件手卷，應該ok啦，追加左鰻魚同和牛手卷，鰻魚都可以嘅，周一腹食完舊和牛手卷話唔知自己食緊咩，我話至少都應該食到紫菜腥味卦。總括而言，黑夜同便當exprexx差不多價錢，但係我覺得exprexx好味啲。