甘永泰魚蛋 (已結業)

次次黎長洲，次次經過甘永泰，次次都大排長龍今次見到有新野，炸豆卜釀魚肉，一場黎到，定必試下炸豆卜釀魚肉 - 即包即炸，眼見婆婆純熟而靈巧的手，三扒兩撥就整好一串又一串因供不應求，要食就要等，係等既時候，叫左串：炸墨魚丸，食完等多陣，有得食啦，店員都好貼心：「唔好立刻食，好熱嫁！」我緊係唔理得咁多，食左先算，第一啖，有油益味，因係用萬年油炸，D油勁黑，好乾，好淡，可以話係無味，魚肉無魚味，講真的，新野試過就算！都係魚旦果D有保證！炸墨魚丸 - 係等既時候叫的，同我地成日食既墨魚丸唔同，唔彈牙，唔爽口，食得出有一粒粒墨魚肉，我相信個墨魚丸加入唔小既豬肉，因豬肉味係蓋過墨魚味，都幾其怪，有粒粒墨魚肉既咬口，但個味係豬肉味！$10一串得五粒，我覺得買一盒盒既魚旦抵食D啦！