Dirty Skillet

营业中

休息中

原本諗住開開心心食餐生日飯，點知一開波落單個中年男侍應態度好差，即刻冇晒mood，搞到印象好差。佢完全好唔願意解答問題，其實只係好平常咁問一句drink menu個飲品係邊款，之後佢勁冇禮貌話：冇圖喎，唔係個個款都會有晒相係menu到。仲要帶有諷刺咁樣講。冇圖嘅咁你都可以介紹下/形容下有啲咩，點嘅樣都得掛？！你嘅職責範圍黎架喎。我知嘅就唔洗問啦！定其實連佢自己都唔熟個menu有咩？個下真係好興，咁樣講野都得嘅？仲要好似催人落單咁，既然咁唔想答客人問題，咁就唔好爭住過黎落單啦。BTW，其他侍應都好好態度同服務，個dirty burger同個Carbonara值得一試，真係好食嘅，其他一般。野飲幾igable，但地方冇想像中有咁多打卡位，同埋menu選擇都略嫌少左啲，同偏貴。如果唔係一開頭個侍應態度咁差，搞到冇晒mood，都會再去食，但而家真係不了，試過就算。