影片
更多
2007-02-04
20 浏览
終於有機會試Nobu，不過可能報紙離誌講到佢太好，去完之後有啲失望。氣氛- 裝修唔錯，尤其天花嘅裝修，聽講係海膽啲針，一支一支咁整上去，不過樓底矮，枱好密，所以就嘈到死(我未去過其他Nobu，不過朋友話London嗰啲都係嘈，Nobu係咁喎，要嘈至有氣氛...)。食物- 味道唔錯，尤其喜愛嗰個拖羅魚韃靼配魚子醬，賣相(我即刻諗起冰鎮奶茶)及味道都叫人一試難忘。Nobu話哂玩"創意新派日本菜"，所以味味都fusion，都有驚喜(最"驚"喜係嗰味豉汁seabass，話係日本面豉，不過我覺得簡直好似食緊中菜咁...有蔥又有薑...)。魚生好好(好鍾意個Matsuhisa醬)，牛肉又好(不過唔係我食過最好嘅)。不過壽司就幾失望，唔係咁出色(我諗去Nobu都唔好叫啲咁正宗日本嘅dish)。服務- 服務唔錯，啲侍應對每一味菜都有認識，問佢點整點整都識答。總括嚟講，我覺得試一次就夠，俾嘅錢好明顯大部份去哂啲名氣度...味道係好，不過咁嘅價錢可以有好多選擇，而且實在太嘈，千幾蚊一位食咁耐嘈咁耐(嘈到似街市(可能樓底矮)...要嘈嘅話LKF嗰頭有平好多又好味嘅選擇)，我真係覺得試一次就夠，嗰晚食完經過S
氣氛- 裝修唔錯，尤其天花嘅裝修，聽講係海膽啲針，一支一支咁整上去，不過樓底矮，枱好密，所以就嘈到死(我未去過其他Nobu，不過朋友話London嗰啲都係嘈，Nobu係咁喎，要嘈至有氣氛...)。
食物- 味道唔錯，尤其喜愛嗰個拖羅魚韃靼配魚子醬，賣相(我即刻諗起冰鎮奶茶)及味道都叫人一試難忘。Nobu話哂玩"創意新派日本菜"，所以味味都fusion，都有驚喜(最"驚"喜係嗰味豉汁seabass，話係日本面豉，不過我覺得簡直好似食緊中菜咁...有蔥又有薑...)。魚生好好(好鍾意個Matsuhisa醬)，牛肉又好(不過唔係我食過最好嘅)。不過壽司就幾失望，唔係咁出色(我諗去Nobu都唔好叫啲咁正宗日本嘅dish)。
服務- 服務唔錯，啲侍應對每一味菜都有認識，問佢點整點整都識答。
總括嚟講，我覺得試一次就夠，俾嘅錢好明顯大部份去哂啲名氣度...味道係好，不過咁嘅價錢可以有好多選擇，而且實在太嘈，千幾蚊一位食咁耐嘈咁耐(嘈到似街市(可能樓底矮)...要嘈嘅話LKF嗰頭有平好多又好味嘅選擇)，我真係覺得試一次就夠，嗰晚食完經過Spoon，諗起Spoon嘅無敵海景同埋佢嘅靜，心裡即時有"早知去食Spoon好過"嘅念頭，不過咁，我覺得以Nobu個名，始終唔抵食都要去試一次，不過一次就夠喇。
张贴