炭家 (已結業)

一直聽講依度嘅鰻魚好特別，用炭火燒，亦有日本主廚，趁着週末專程去中環會一會依個鰻魚飯。下晝三丶四點，比較少客人，侍應服務態度好，亦有凍茶同熱茶揀，食物方面只有三個Lunch set 可以選擇，分別係鰻魚丶串燒同和牛，第一次當然先試鰻魚set, 可以揀蒲燒或者白燒，lunch set 只包括一碗湯同鰻魚飯，$420，價錢偏貴。侍應介紹蒲燒係傳統食法，白燒就比較罕見，最後都係揀咗傳統嘅蒲燒。等咗差唔多10分鐘，湯同鰻魚飯一齊到，先試吓湯，普通，再試主打鰻魚飯，食到明顯嘅炭味，同平時食嘅唔同，鰻魚係好味，但係未有特別驚喜，試一次已經夠。相信同樣價錢有其他更好的選擇。