傷心酸辣粉 (已結業)

傷心酸辣粉大行其道，但我一次也末食過，因我唔鐘意酸！晚上10點左右，上完堂要食嘢，因未食飯所以變成食宵夜，原來深水埗譚仔已關門，又想食麻辣嘅我，就同老公隨便找間去食，駕著車的老公，一轉彎就見到傷心酸辣粉，便與老公入去食，而且要等位！(以往看著這個黃色招牌已經無興趣)店內餐枱窄，非常迫，沒水供應，看著餐牌有點亂，決定點招牌傷心酸辣粉中辣走酸，加一個餸海帶，因我唔鐘意酸，看見推介香酥麻雞，亦幫老公點了這套餐，香酥麻雞清湯薯粉！首先來了清湯薯粉，但未有香酥麻雞！為何不一次過奉上？過咗一陣，我嘅酸辣粉到，仍未見香酥麻雞踪影！食咗一陣就來了！薯粉較硬，份量亦少，老公並不欣賞，香酥麻雞這個餸名～名不副實！原因雞肉乾，外層炸漿唔脆，沒有麻香味！至於招牌菜～材料份量夠，海帶絲亦算多！沒有酸的中辣酸辣粉，辣度非常夠，但酸辣粉同樣較硬，只有麻辣才可以滿足到我！