影片
更多
2021-08-16
1301 浏览
話說今日係同女朋友嘅紀念日，決定一齊去食一餐好食又高級嘅西餐，有唔少朋友介紹嚟呢度，感覺又真係唔錯，值得食嘅一餐。✨生蠔一共叫咗兩款唔同嘅生蠔pinky ($49) & Anceline Speciale ($44)第一款係比較甜，同埋好滑好容易入口，味道比較淡，非常鍾意第二款就係比較濃味少少，重啲蠔味同埋礦物味，好新鮮✨溫泉蛋黑松露荷蘭醬一個比較特別嘅前菜，入面有溫泉蛋，焗麵包碎同埋荷蘭醬，表層嗰度仲有一片一片完整嘅黑松露片。將所有配料撈埋一齊食，層次非常豐富，鍾意黑松露一定要食✨蟹肉椰菜忌廉湯我就選擇左呢個比較濃郁嘅蟹肉湯，一飲落去就知道用咗好多蟹肉蟹膏，打成忌廉湯。每一口都係蟹嘅鮮味，口感好Rich 好飽滿✨香煎鵝肝呢度嘅法國鵝肝超級大塊，又成個拳頭一樣咁闊，覆蓋晒成塊多士。味道都唔使講，鵝肝油脂豐富，入口即溶，仲有少許果醬喺旁邊減去油膩感✨焗智利海鱸魚呢度嘅焗鱸魚同出邊一貫嘅做法唔同，用咗一個好特別嘅汁，就係用鰻魚汁來烹調，非常有特色。外層塊皮煎到好脆，而入邊嘅魚肉好滑好多汁，用上鰻魚汁亦都出奇地可以帶出鱸魚嘅鮮味✨是日甜品手作雲呢拿雪糕加上蘋果金寶，雲呢拿雪糕奶味非常重，質感
✨生蠔
一共叫咗兩款唔同嘅生蠔pinky ($49) & Anceline Speciale ($44)
第一款係比較甜，同埋好滑好容易入口，味道比較淡，非常鍾意
第二款就係比較濃味少少，重啲蠔味同埋礦物味，好新鮮
✨溫泉蛋黑松露荷蘭醬
一個比較特別嘅前菜，入面有溫泉蛋，焗麵包碎同埋荷蘭醬，表層嗰度仲有一片一片完整嘅黑松露片。將所有配料撈埋一齊食，層次非常豐富，鍾意黑松露一定要食
✨蟹肉椰菜忌廉湯
我就選擇左呢個比較濃郁嘅蟹肉湯，一飲落去就知道用咗好多蟹肉蟹膏，打成忌廉湯。每一口都係蟹嘅鮮味，口感好Rich 好飽滿
✨香煎鵝肝
呢度嘅法國鵝肝超級大塊，又成個拳頭一樣咁闊，覆蓋晒成塊多士。味道都唔使講，鵝肝油脂豐富，入口即溶，仲有少許果醬喺旁邊減去油膩感
✨焗智利海鱸魚
呢度嘅焗鱸魚同出邊一貫嘅做法唔同，用咗一個好特別嘅汁，就係用鰻魚汁來烹調，非常有特色。外層塊皮煎到好脆，而入邊嘅魚肉好滑好多汁，用上鰻魚汁亦都出奇地可以帶出鱸魚嘅鮮味
✨是日甜品
手作雲呢拿雪糕加上蘋果金寶，雲呢拿雪糕奶味非常重，質感亦都好滑，係我最鍾意嘅味道！ 蘋果金寶啱啱焗起，一暖一凍加埋一齊食簡直係完美
最後原來買單嘅時候like佢哋嘅社交平台，用現金俾錢嘅話，仲可以有九折🤪同埋送多個coupon下次食😋
张贴
