低調高手大街小食

营业中

休息中

不嬲都听喺东区住嘅朋友讲低调高手嘅鸡蛋仔好好食，于是难得经过呢一头就去咗买，佢有几只味道，而我觉得最特别嘅就系咸蛋黄，但系我自己都系偏爱甜嘅鸡蛋仔，所以就拣咗呢一款：朱古力鸡蛋仔。听讲平时都几多人排队等，难得今日唔系好使等，觉得自己真系好幸运。拎住喺条街食嘅时候，我就打开佢个袋，尽量令到佢「呼吸」一下，如果唔系好快就变淋，咁就一啲都唔好食。咬落去嘅时候，啲朱古力粒溶咗，所以鸡蛋仔变咗做流心，成件事真系劲邪恶，但系好正！如果俾我拣多次我都系会拣朱古力味。