影片
更多
2009-09-06
13 浏览
Plan好要放縱一下自己，放鬆一下再努力！為了食這一餐，做的準備功夫可多呢！1) 早早就訂好枱；2) 早餐吃生果，午餐只飲了杯咖啡；3) 為了不用OT得太晚，工作速度破了紀律！早了十分鐘到達，我已經餓到爆！上次來沒有訂枱，等了好久好久，發誓以後不會 walk-in。門口好多人，有不祥的預感。跟門口的帶位小姐報到，她跟我們說：有幾張執緊枱，好快有位！心想：太好了，快有位就好了，好餓好餓哦～結果... 見一班又一班比我遲來報到的大枱都入哂啦。等呀等呀... 又話執緊枱，等咗半個鐘呀！淨係理 D 大枱，二人枱就不理！大細超！真的好想串佢，執枱洗唔洗半個鐘呀！一係訂位時你就話 Full house，一係我報到時就講聲要等咁耐啦！無奈我當時我餓到無力去理論，唔係我實鬧爆佢！等了35分鐘終於有位啦！選擇好食物想要落單。又是等了好久好久都沒有侍應得閒理下我 (又係只係照顧 D 大枱)。連水都冇比我！到呢個時候，我已經成 13 小時冇食物落肚啦！好餓... 好彩的是，點了食物後，不用等太久就有得食啦！ Honey barbecue ribs：好好吃呀！這份 ribs 剛好有點肥肉，算得上是 juic
1) 早早就訂好枱；
2) 早餐吃生果，午餐只飲了杯咖啡；
3) 為了不用OT得太晚，工作速度破了紀律！
早了十分鐘到達，我已經餓到爆！上次來沒有訂枱，等了好久好久，發誓以後不會 walk-in。
門口好多人，有不祥的預感。跟門口的帶位小姐報到，她跟我們說：有幾張執緊枱，好快有位！心想：太好了，快有位就好了，好餓好餓哦～
結果... 見一班又一班比我遲來報到的大枱都入哂啦。等呀等呀... 又話執緊枱，等咗半個鐘呀！淨係理 D 大枱，二人枱就不理！大細超！真的好想串佢，執枱洗唔洗半個鐘呀！一係訂位時你就話 Full house，一係我報到時就講聲要等咁耐啦！無奈我當時我餓到無力去理論，唔係我實鬧爆佢！
等了35分鐘終於有位啦！選擇好食物想要落單。又是等了好久好久都沒有侍應得閒理下我 (又係只係照顧 D 大枱)。連水都冇比我！
到呢個時候，我已經成 13 小時冇食物落肚啦！好餓... 好彩的是，點了食物後，不用等太久就有得食啦！
Honey barbecue ribs：好好吃呀！這份 ribs 剛好有點肥肉，算得上是 juicy，不會太乾身，而且每條 ribs 一切下去都會骨肉分離，用刀叉吃都不會麻煩。蜜糖味跟這個燒的做法也很夾。
和牛芝士漢堡：medium-well 的牛肉漢堡很鬆軟，也夠肉汁，但不夠牛味，加上半溶的芝士跟烘得鬆脆的包，很不錯的選擇。但值不值比 Burger King 貴 5 倍的價錢就見仁見智了。
炸薯條：熱辣辣，外脆內軟，好食，不過略嫌鹹咗 D。
伴碟的雜菜：也不錯，最討厭硬的雜菜，還好 ruby 的是熟透的，而且加了很多牛油跟蒜茸，非常香口。Yummy！
Dessert Menu 上的 Chocolate tallcake 真的非常誘惑，可惜實在太飽了，沒有點。下次一定要試！
张贴
