靠得住粥麵小館 (已結業)

lunch time去左食靠得住，見佢門口貼住灣仔分店攞過米之蓮推介，所以就叫左個推介既心肝寶貝粥配鹹肉粽（$86），另外order一個魚香茄子菜飯配柚子蜜（$58）心肝寶貝粥，其實即是豬膶帶子粥，豬膶四大片，帶子三粒帶子唔算大粒，但都算彈牙，但豬膶就唔得，豬膶有腌過，但重手左，好鹹，煮落碗粥度成碗都好鹹，唔好食，我好相信呢碗粥應該係無下次。反而咸肉粽就做得唔錯，糯米好綿，咸蛋黃漏油，好食魚香茄子味道都唔錯，但如果茄子再煮淋少少會仲好，最後柚子蜜就甜左d，小菜反而比主打既粥好，而且粥既價錢偏貴，建議食小菜會好d。