影片
更多
2018-11-26
335 浏览
餐廳位於渣甸街尾一幢新嘅商業大廈入面，由地下大堂開始已經感受到一種新束束嘅氣派，餐廳環境以淺木色為主，貫徹日本風格，感覺舒適；獲安排坐喺壽司吧枱位置，serve我地嗰位廚師顏值極高，有少少似後生版嘅言承旭加馮德倫，旁邊已經有四位妹妹喺度朝拜緊，非常唔覺意地聽到佢地之間嘅交談，原來佢地係從另一間鮨店追隨馮德倫轉工嚟到呢一間新公司，估唔到除咗髪型師之外，連廚師都會帶客轉工，利害利害。揀咗個498嘅omakase，係廚師發板九件壽司定食，所有午市定食都包埋前菜，沙律，季節茶碗蒸，赤味噌湯同埋甜品或咖啡一杯。季節茶碗蒸係松茸蒸蛋，松茸喺日本被喻為菌中之王，對生長環境要求苛刻，且壽命極短，主要長於秋季，正所謂不時不食，依家食松茸可以話啱哂timing，松茸本身就有濃郁嘅香氣，肉質感結實，味帶韌勁，烹調時只需保留佢嘅天然滋味，無需添加過多調料，食起嚟就已經有一種別緻嘅芳香，清清地用嚟蒸蛋就最好不過，令每一啖蒸蛋都帶住松茸嘅香味，蛋上面仲有唔少新鮮嘅蟹肉作提鮮之用，係一個好出色嘅配搭。無花果蕃茄啫喱沙律，廚師將蕃茄打茸再整成啫喱狀，味道酸咪咪而帶點微甜，無花果熱量低，有降血脂同抗癌嘅功效，同行仲有牛
餐廳位於渣甸街尾一幢新嘅商業大廈入面，由地下大堂開始已經感受到一種新束束嘅氣派，餐廳環境以淺木色為主，貫徹日本風格，感覺舒適；獲安排坐喺壽司吧枱位置，serve我地嗰位廚師顏值極高，有少少似後生版嘅言承旭加馮德倫，旁邊已經有四位妹妹喺度朝拜緊，非常唔覺意地聽到佢地之間嘅交談，原來佢地係從另一間鮨店追隨馮德倫轉工嚟到呢一間新公司，估唔到除咗髪型師之外，連廚師都會帶客轉工，利害利害。
揀咗個498嘅omakase，係廚師發板九件壽司定食，所有午市定食都包埋前菜，沙律，季節茶碗蒸，赤味噌湯同埋甜品或咖啡一杯。
季節茶碗蒸係松茸蒸蛋，松茸喺日本被喻為菌中之王，對生長環境要求苛刻，且壽命極短，主要長於秋季，正所謂不時不食，依家食松茸可以話啱哂timing，松茸本身就有濃郁嘅香氣，肉質感結實，味帶韌勁，烹調時只需保留佢嘅天然滋味，無需添加過多調料，食起嚟就已經有一種別緻嘅芳香，清清地用嚟蒸蛋就最好不過，令每一啖蒸蛋都帶住松茸嘅香味，蛋上面仲有唔少新鮮嘅蟹肉作提鮮之用，係一個好出色嘅配搭。
無花果蕃茄啫喱沙律，廚師將蕃茄打茸再整成啫喱狀，味道酸咪咪而帶點微甜，無花果熱量低，有降血脂同抗癌嘅功效，同行仲有牛油果同羽衣甘藍等一類嘅superfood，腦內即時響起毛姐揸實拳頭同我講咗句”為健康加油” 。
前菜係松茸堅果三文魚籽春菊，有說我地嘅皇帝菜，日本人稱為春菊，但係今日一試，發覺春菊比皇帝菜要多一份獨有嘅清香味道，而後帶少少回甘，春菊獨特嘅味道令鐘意嘅人會好沉迷，唔鐘意嘅會惦都唔惦，今日過後，我就成為咗沉迷嘅一員。春菊因為到咗春天會開花，所以叫做春菊，含有豐富嘅維他命B2、胡蘿蔔素同礦物質。呢個前菜整個味道帶點微酸，伴隨著春菊嘅清新，非常開胃。
赤貝壽司，赤貝肉質以鮮甜聞名，新鮮嘅赤貝外表呈橙紅色、帶光澤，一如上圖所示，食落肉質爽厚脆嫩，鮮味十足，赤貝貝足最常見嘅切法係蝶切，從中間切開展平，做成蝴蝶型嘅造型，令口感爽脆之餘仲多咗更多層理感，嗰種激發人類原始本能嘅血紅蛋白味道，令我到依家都念念不忘。
新鮮北寄貝壽司，平時見到紅色嗰啲北寄貝其實係已經煮熟嘅急凍貨色，新鮮嘅北寄貝肉係呈啡藍色嘅，睇見廚師即席處理貝類壽司嘅時侯，會拍打貝肉，廚師話其實貝殼類離殼後並無即時死去，拍打能夠令肉質即時收縮，未拍打前，可見北寄貝肉非常軟身，經拍打後，即時收縮豎咗起嚟。趁呢個時候放入口品嘗，即能嘗到其爽口嘅質感，味道鮮甜得嚟帶有海水味，很好。
金目鯛壽司，金目鯛棲息喺水深100至800米嘅深海之中，顧名思義，眼睛帶有金色嘅光澤，係因為金目鯛視網膜嘅後面有一層照膜，可以更好地匯聚同反射海底微光，以便於黑暗中更好地看清水世界，體色係鮮豔嘅深紅色，油脂含量適中，味道細緻鮮美，肉質細膩。
赤鯥壽司，赤鯥被譽為白身魚嘅絕對頂級魚，喺日本青森縣沿海一帶，每逢踏入深秋，就有連群結隊嘅赤鯥魚出沒，由於只可以喺天然嘅環境中成長，不能人工飼養，因此非常矜貴；赤鯥魚嘅魚身光亮，魚皮滑溜，肉質更加係鮮甜無比而富膠質感；廚師將赤鯥微微火炙過，將魚脂稍稍迫出，經過輕微炙烤嘅赤鯥散發住誘人嘅焦香味，加上壽司上面一小撮點晴嘅新鮮蒜泥，惹味非常。
海膽軍艦，海膽軍艦分量爆滿，堆喺軍艦上面好似成座山咁，味道鮮甜，回甘豐富，明顯用上新鮮貨式。
中拖羅壽司，吞拿魚人氣最高嘅當然係拖羅，亦即係吞拿魚下腹，由於魚腩位置運動量少，最容易積聚脂肪，因此亦都係成條魚最肥美嘅部 分，佔成條魚不足30%，所以特別矜貴。拖羅大致分為靠近頭部嘅大拖羅同中後段嘅中拖羅。大拖羅油脂最豐富，筋亦較少，但中拖羅則魚味較濃，纖維唔及大拖羅咁細密，油分適中而無筋，入口即溶，魚味濃郁，大拖羅同中拖羅各有特色，兩樣我都咁鐘意。
太刀魚壽司，太刀魚又叫白帶魚，白帶魚喺海中會採取"立姿"嘅泳姿，全身泛銀光且呈長條狀，身型因與武士刀相似，故名太刀魚；伴隨壽司上面嘅京葱同吃，倍添滋味。
赤味噌湯，湯裏面加咗鮟康魚肝，廚師將鮟康魚肝整到方型一粒粒，有少少似帶住魚味嘅啫喱，鮟康魚肉質緊密，味道更勝一般海魚，而鮟康魚肝嘅滋味不輸法國鵝肝之餘，更加無鵝肝咁油膩，魚肝漸漸喺口內融化，沒半點腥臭味，質感化綿，油香四溢。
菠蘿雪糕，味道清香得嚟唔會太甜，帶有淡淡嘅菠蘿香味，為呢一餐omakase劃上一個完美嘅句號；498一個set嚟講，我覺得嚟睇嫩版馮德倫呢吓都已經值回票價。
张贴
