神山麺屋 (創紀之城五期(apm))

假日出開APM買啲嘢，唔想行太遠就喺返APM搵食啦。

知道神山拉麵其實前身就係麵屋武藏，印象中唔係話出色，但都不過不失，所以就揀咗食神山，諗住都正路，起碼對得住80幾蚊再加一嘅價錢。


叫咗角煮豚肉拉麵，無諗過可以咁乾。

諗住一件乾咗啲唧，另一件睇落都幾肥，應該會好少少，點知：

好啦，溏心蛋應該唔會出事喇啩？
咬嗰時都小心啲，唔想個流心融於湯中，但點解咁熟呀…

不過講真，湯同麵都仍然不過不失。
朋友叫沾麵，麵條比湯麵更好，但佢哋話勁鹹，反而湯麵就還好。

服務態度嚟講就好個別，上菜位侍應心情似乎麻麻，黑口黑面掉低碗麵就走咗。但其他侍應都有啲ok嘅。