古今二 (觀塘工業中心)

营业中

休息中

觀塘高質日本料理 第4次幫襯嘅古今二1. 柚想蝦你已經好多年唔敢再食中華沙律，因為細個有陰影，覺得中華沙律有陣味，但係呢個沙律我不停係咁夾，中華沙律冇味之餘，同柚子肉、柚子汁味道好夾，蟹籽份量好多，蔬菜都好新鮮， 10分開胃～2. 煙花+青龍卷+金龍卷三文魚新鮮，吉列蝦嘅味道好濃郁，炸粉落得唔錯，唔會太厚太大陣粉味，好想叫多幾件嚟食🤤牛油果同鰻魚嘅味道配搭原來幾和諧，配埋壽司上面嘅鰻魚汁，鮮味好濃，鰻魚雖然細細嚿，但佢係厚實嘅鰻魚，所以口感同味道都不錯。見到壽司上面大大嚿嘅蔥吞已經覺得餐廳10分有誠意，蔥吞冇出面其他餐廳既雪藏味，滿足！3. 宮崎味鹽牛舌串牛舌味道好濃，份量都好多，同朋友分享每人都食到五粒左右。牛舌粒好厚實，但又唔會太韌，食落好爽口，推介！4. 鹿兒島黑豚荔枝卷串燒原來豚肉配荔枝係咁好食，荔枝好Juicy，中和咗豚肉嘅油膩感～5. 安格斯蔥牛卷燒得十分之好，個醬唔會太鹹，一上枱已經覺得好香，韭菜嘅份量好多，但又唔會搶咗牛肉味，因為佢所揀嘅牛肉都係牛味好濃嘅，配埋啲醬汁，都唔會成口韭菜味，健康之選，又夠重口味，非常鍾意！