影片
更多
2025-07-16
153 浏览
今日我放工經過觀塘東廣場，行咗個圈比一間叫「雞駅」嘅花膠雞米線吸引咗我入去，天口熱想食啲湯粉麵，姬松䇯花膠雞，幾正咁喎，店內和店外大堂也有坐位可坐，睇睇餐牌好快就鎖定目標了。呢度好多特式湯麵、米、湯飯，有特式，我點咗「姬松茸竹笙花膠雞米線」，聽落已經好有食材嘅高級感，叫埋個金磚豆腐、手拍青瓜，清涼嘅柚子蜜。正所謂健康飲食個金字塔即刻呈現咗出嚟！呢碗米線好快就送到嚟，色澤鮮明，湯底香濃材料充足，好香嘅雞肉同花膠嘅味道已經聞到。二話不說整啖米線先，好一段日子冇食過咁爽滑嘅米線，唔會比湯浸淋，花膠雞湯依然好有雞湯味，雞肶肉嫩滑，雞皮仲要係軟滑彈彈吓主角花膠同姬松茸嘅加入，令湯底更加有層次感，感覺食咗好多營養落肚咁，仲帶啲啲菌香味，好味健康。竹笙軟熟索哂湯又係好食，爽脆雲耳添少少顏色從來都穩陣角色，整體黎講咁豐富嘅配料同埋配搭，真係心思制作！除咗主角米線，仲有金磗豆腐，炸豆腐外面鬆脆裏面細膩滑溜，入口淡淡豆香（小心熱辣辣），配搭啲清新嘅手拍豆醬青瓜，味道清新又唔會鹹。同步點咗杯凍柚子蜜，清涼中帶清甜，好味道，飲完解喝又滿足。整體嚟講，呢間觀塘東廣場「雞駅」嘅花膠雞米線真係值得一試，湯底濃郁又唔
呢度好多特式湯麵、米、湯飯，有特式，我點咗「姬松茸竹笙花膠雞米線」，聽落已經好有食材嘅高級感，叫埋個金磚豆腐、手拍青瓜，清涼嘅柚子蜜。正所謂健康飲食個金字塔即刻呈現咗出嚟！
呢碗米線好快就送到嚟，色澤鮮明，湯底香濃材料充足，好香嘅雞肉同花膠嘅味道已經聞到。二話不說整啖米線先，好一段日子冇食過咁爽滑嘅米線，唔會比湯浸淋，花膠雞湯依然好有雞湯味，雞肶肉嫩滑，雞皮仲要係軟滑彈彈吓
主角花膠同姬松茸嘅加入，令湯底更加有層次感，感覺食咗好多營養落肚咁，仲帶啲啲菌香味，好味健康。
竹笙軟熟索哂湯又係好食，爽脆雲耳添少少顏色從來都穩陣角色，整體黎講咁豐富嘅配料同埋配搭，真係心思制作！
除咗主角米線，仲有金磗豆腐，炸豆腐外面鬆脆裏面細膩滑溜，入口淡淡豆香（小心熱辣辣），配搭啲清新嘅手拍豆醬青瓜，味道清新又唔會鹹。同步點咗杯凍柚子蜜，清涼中帶清甜，好味道，飲完解喝又滿足。
整體嚟講，呢間觀塘東廣場「雞駅」嘅花膠雞米線真係值得一試，湯底濃郁又唔失清新，配料豐富健康，食完飽肚又唔會肥膩。價錢合理，環境企理整潔，係一個行過經過食一碗好味湯粉嘅好地方。下次有機會我一定會再嚟試其他款式，我原本想試吓魚翅雞湯飯，呢個要留返下次，期待佢哋嘅創新！
张贴
