觀塘聚集咗唔少打工仔要四圍搵食，哩間樓上餐廳低調開係大廈入面，默默耕耘。雖然只係賣緊平民茶餐廳嘅嘢食，但單單係早餐都已經有齊中、西、美式等唔同款式選擇～
.
🐨中式早餐-豉油皇炒麵
推薦度：⭐️⭐️⭐⭐
中式就有炒麵、蝦米腸粉、炒米粉等選項，仲可簡單配埋豬扒、炸雞翼、雞扒、叉燒等，令早餐更豐富～豉油皇炒麵炒到好乾身唔會好油，豉油皇味出仲唔會死鹹加埋甜辣醬食就更加惹味！豬扒成個盤咁大唔會好厚身，但都保持到豬扒嘅肉汁，無雪味、唔怕軔🐽🐽
.
🐨西式早餐-All Day Breakfast
推薦度：⭐️⭐️⭐️⭐⭐
All Day Breakfast有茄汁豆、多士、自選扒配小食或沙律，今次揀左吉列魚柳同蘋果粟米沙律～魚柳多脆內嫩，沙律就有助解膩，蘋果爽口入面仲有菠蘿、蘿蔔、青瓜等清新水潤，加埋粟米就多份甜味🌽🌽特別讚埋蒜蓉多士，本身以為係跟餐就有冇特別追求，點知有驚喜，多士皮脆唔會乾、包身好鬆熟，仲要有滿滿嘅蒜蓉粒烘香，蒜香滿滿🧄🧄
.
#觀塘美食 #觀塘 #美食推介
