番尋味

番尋味今次喺我第二次回訪「番尋味」，呢間餐廳呢排做緊下午茶優惠，全部迷你下午茶都只係$42，你以為好迷你，其實都幾大碟，仲跟一碗例湯同免費升級各式特飲，迷你下午茶只供應下午1400-1700，免費升級各式特飲優惠做到9月30日，$42嚟講真係性價比好高！1.原條燒汁鰻魚炒飯 跟蟲草花節瓜煲雞腳湯+凍咸檸檬七喜$42（10/10）呢碟原條燒汁鰻魚炒飯個鰻魚都幾大條，個炒飯以為會好咸，點知唔咸，仲炒到粒粒分明，炒得好香！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍檸檬七喜，檸檬加入咗鹽醃漬，再將七喜倒入去，飲落去少少咸，唔錯！2.洋蔥汁炸雞脾飯 跟蟲草花節瓜煲雞腳+凍咸甘桔蜜$42（10/10）呢碟洋蔥汁炸雞髀飯個雞髀非常大隻，炸到外皮好香脆，雞肉嘅肉質好juicy，個飯都好多，完全唔似下午茶迷你餐！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍咸甘桔蜜，飲到少少咸甘桔果肉，再加入少少蜜糖，唔會好甜，唔錯！3.紅豆沙西多士$38（10/10）呢個紅豆沙西多士完全唔洗落蜜糖都得，鍾意甜少少落蜜糖亦得，西多士個餡勁多紅豆，無一粒紅豆係生，好好食2人總共價錢$122個人口味總評分：10/10地址：觀塘開源道55號開聯工業中心A座2樓28號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #番尋味 #觀塘好去處 #觀塘 #觀塘美食 #無障礙餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

位於觀塘附近嘅工廈，有一間平民價茶記，呢間茶記嘅早餐、午餐、下午茶選擇好多，有米線、炒飯、炒烏冬、burger等等，每樣都好平民價，係附近打工人士嘅飯堂!!✨✨原條燒汁鰻魚炒飯 $42推薦度：9.2/10份量好多，呢個價錢好抵食!!下午茶時段2點至5點只需要$42，仲送一杯咖啡或茶!!性價比極高，鰻魚好軟嫩，炒飯偏淡味🥹✨香煎芙蓉蛋蠔仔飯 $42推薦度：8.4/10同樣份量好多，一大片炒蛋鋪滿係嗰飯到，蠔仔份量好多亦好飽滿，每啖都會食到蛋、飯、蠔仔⸜(๑⃙⃘'ᗜ'๑⃙⃘)⸝ 加埋甜豉油食會加分左👍🏻✨華田脆脆西多士 $38推薦度：9.1/10麵包炸得好鬆軟微酥脆，西多士面頭有煉奶同阿華田餅乾脆脆，每啖都食到好重阿華田味⸜(๑⃙⃘'ᗜ'๑⃙⃘)⸝ 💫✨公司三文治 $38推薦度：8.8/10公司三文治好足料又大份，有餐肉、火腿、蛋、番茄、菜、芝士，麵包烘過底微脆口，店家好貼心拎牙籤吉住唔會食到好污糟( ˊᵕˋ*)✨煙肉牛肉漢堡包 $27推薦度：8.9/10漢堡包鬆軟，有兩塊煎過嘅煙肉，牛肉好厚實，配埋一齊又幾夾😗✨熱奶茶 跟餐免費推薦度：9.2/10奶茶好香滑濃郁，奶香味足，港式奶茶正🤏🏻✨咸甘桔蜜 跟餐+$6推薦度：8.4/10咸咸甜甜嘅甘桔蜜，味道偏淡。女小編👧🏻：味道：9/10環境：8.8/10服務：9/10性價比：9.2/10📍番尋味 (觀塘)觀塘開源道55號開聯工業中心A座2樓28號舖…查看更多

日期/時間：2025年9月5日，14:20環境：工廈的一般環境，舊式茶餐廳的一般裝修，沒太多座位食物：我在下午茶時段叫午餐 馬拉盞海鮮炒飯、茶樹菇合掌瓜雞腳湯、雜果涼粉冰，合共 $42味道/份量：炒飯很大碟，似正價時段份量。熱辣辣有鑊氣和蛋香撲鼻。炒飯粒軟硬適中。海鮮配料豐富，包括蝦仁、蠔仔及蟹柳，味道唔錯。附送的例湯是用小湯碗盛載，份量十足。有一隻雞腳和幾件合掌瓜。味道合格，飲完冇口渴。套餐還附送飲品，可免費升級特飲。都幾大杯，內有很多涼粉和雜果，雜果以菠蘿為主，味道合格。價錢：我揀的午餐午市正價$46 ，下午茶時段 14:00後所有午餐一律$42。服務：正常衛生：正常，合格**結論：1）美味、份量多 ！14:00 到這裏叫午餐，超值！假如我今天食最貴的午餐$54，下午茶時段只$42 ，會慳 $12，慳咗嘅錢可以拮多串魚蛋或燒賣2）今時今日百物騰貴，茶餐廳的午餐不會同時送例湯及特飲，食完超級飽 ！ 呢間小茶餐廳好難得，性價比高，值得支持💪🏼3）早餐的粥餐和超值早餐，價錢相當吸引，我考慮下次嚟當午餐食:)4）順帶一提：今年3月我首次幫襯，下午茶食咗生炸大雞髀，雞皮好脆，調味相當唔錯兼肉汁豐富，當時忍唔住破例食晒所有雞皮，超有罪惡感…查看更多

已經開業了20多年的一間老字號茶餐廳隱藏在觀塘的工業大廈裏面超高的性價比，份量超級多滿滿的懷舊風和老港的味道脆脆華田西多士    -西多炸到金黃香脆，華田脆脆甜而不膩夾埋牛油同糖漿食到舔舔脷！熱辣辣脆卜卜，卡路里爆燈都抵食！炸椒鹽魚肉燒賣    -炸到金黃脆卜卜，椒鹽香口辣辣哋，魚肉燒賣彈牙唔會腥 下午茶仲可以跟餐添生炸雞髀配薯條  即叫即炸超新鮮 雞髀勁大隻！皮脆到咔嚓聲，肉汁多到瀉出嚟醃得夠入味又唔會鹹。薯條粗身脆內軟撒滿蒜鹽香噴噴，邪惡到極但真係忍唔住食晒！乾炒牛河    -鑊氣十足！河粉炒得又乾身又爽滑，牛肉嫩口唔黜牙台式肉燥炸雞翼撈公仔麵    -肉燥鹹香撈麵超夾，公仔麵彈牙掛汁！而且仲要係兩個面底 真係大胃王都夠晒食炸雞翼皮脆肉嫩魚香茄子飯    -茄子腍滑入味，肉碎香口夠鑊氣醬汁濃郁撈飯一流，辣辣哋超開胃茶走    -茶香濃滑唔苦澀，煉奶甜度啱啱好…查看更多

送完阿女返學，就行到去觀塘工廈嗰邊睇吓有冇一啲特色嘅餐廳，因為食嚟食去都係嗰幾間，上網搵吓搵吓就搵到蕃尋味呢一間，上到開聯都唔識行，行錯路，轉左幾個靚彎先搵到，門面都幾殘舊，入到去好似好舊式嘅茶餐廳，一坐低好熱情嘅阿姐就話有特價嘅早餐，咁梗係即刻嗌啦，$29有沙嗲牛肉麵太陽蛋同一個好大個嘅雞尾包，杯奶茶都算唔錯，係我鍾意嗰隻苦澀類型，沙嗲牛肉麵好正，可以再試，如果可以試埋佢嘅午餐或者下午茶就更好啦，下次會再去！…查看更多

雖然呢間餐廳地址好隔涉好難搵，但都去左食，朋友冇講錯，果然工業區的餐廳平靚正👍唔使$40蚊就可以食倒一個下午茶餐，質素仲唔差，阿華田西多士好食，唔太甜啱啱好。仲有個鰻魚飯，拍得上中級日式餐廳。👍👍…查看更多

超方便~觀塘地鐵站行大約7分鐘就到👍👍因為好多觀塘友都推介呢度既🐑早餐同下午茶超抵食所以我今次都特登嚟試下(下午茶)😜⭐真心抵食⭐$2️⃣5️⃣就有1個早晨全餐(有麵➕多士➕飲品)$3️⃣8️⃣就有1個炸雞脾下午茶(有炸雞脾➕小食/多士➕飲品)$4️⃣2️⃣就有1個豐富下午茶(有飯/麵➕小食/多士➕飲品)飲品仲可以免費轉特飲呀😍😍(早餐除外)🔻食評時間🔻🔥珍寶炸雞脾🍗大大隻~即叫即炸熱辣辣~雞皮炸得好香脆，肉質好鮮嫩，咬落去仲好Juicy😋😋🐮沙嗲金菇肥牛炒河🍴都係即叫即炒~上枱仲出哂煙架~超香~肥牛鮮嫩可口，河粉好爽口👍沙嗲味都啱啱好，唔濃唔淡👌重點係就算係茶餐價都好大份👍👍🧊夏威夷特飲🍹好似足料版既Fruit Punch~超清涼解渴😋…查看更多

這間位於觀塘嘅隱世茶餐廳，好食夾大件！搵食搵到嚟觀塘，同朋友一人嗌咗一個重點菜式一碗小窩米線餐同埋泡飯：泡飯推介：😋上湯菜膽雲吞雞配白飯 $51小窩米線：估唔到佢好足料，咁既價錢有一口飽魚添呀！雞肉十足，有白菜做配料，暖入心～😋湯底選了酸辣配料可選：豬潤/魚腐自選兩餸$50💖小鍋米線嘅湯底酸辣度適中，湯底附送芽菜，韭菜酸菜，配上魚腐十分入味。米線可口彈牙，好想食哂佢😋阿華田脆脆西多$38💖舖頭特色西多，第一次食阿華田脆脆喺西多面上面，極度吸引！西多炸得好脆，加埋煉奶阿華，極度邪惡啊～特色茶餐-珍寶炸雞髀餐😋珍寶炸雞髀餐配洋蔥圈$38💖估唔到雞髀炸得好脆，洋蔥圈外脆內軟到位點左特飲雜果賓治、柚子梳打套餐飲品是🤩🤩🤩😙免費💖平時出面食至少要加成十幾蚊先有特飲，而家好抵呀！唔洗錢架🥰環境都好優雅，可以打下卡。是香港地道茶餐廳，坐響度吹水吹好耐都得啊。…查看更多

👧🏻😋👅🍽✨用心茶記勁抵食🫶🏻-🍅 觀塘工廈茶餐廳除左普通客飯午餐, 都有特色湯飯同秋冬羊腩, 食得出出品好用心▪古法枝竹羊腩飯 $60🐑 捉緊冬天的尾巴! 羊腩好腍又夠入味, 個汁杰度適中, 夠掛汁又唔會成口油; 碟頭飯價錢, 但有一大碗餸再配埋個白飯, 抵!▫️鮮茄蛋花牛肉湯飯 $46🍲 湯底好濃郁鮮茄甜味, 配上蛋花更香, 飯粒吸滿蕃茄汁又唔會太腍; 牛肉份量十足$46大大碗, 唔會水lel lel勁飽肚真心抵▪芝士牛肉漢堡包 $27🍔 落單後店員通知圓包賣晒轉長包, 同樣烘到外脆內軟, 經典配料芝士蕃茄生菜, 加埋又厚又Juicy嘅漢堡, 加埋少少茄汁就係童年回憶嘅味道▫️龍鳳檸樂 跟餐 $11…查看更多

觀塘朋友推介呢間小店，位於開聯工業中心，早午下午茶有唔同餐單，主要供應港式茶記美食，地點唔算好近但勝在價格親民，性價比高。店內環境唔大，裝潢簡約，區內人士又有多個選擇。早上時段有分中式同西式早餐，前者你係粥粉麵等常餐，後者係三文治包類。皮蛋瘦肉粥入口綿密，味道清淡，老少咸宜，可搭配豉油皇炒麵/魚肉燒賣/蒸蝦米腸粉/雜菜炒米粉/炸雞軟骨餃子，炒麵炒至乾身唔油膩，腸粉滑溜，抵食。常餐係沙嗲牛肉、雪菜肉絲、叉燒、XO醬炸菜肉絲、火腿絲、五香肉丁配通粉、米粉、米線、意粉或麵，如果外賣建議要通粉因為最唔吸湯底，唔係嘅話建議出前一丁，夠邪惡又好味。沙嗲牛個味都幾出，雪菜肉絲叉燒嗰啲估唔到都夠鹹。西式有吉列豬扒/吉列魚柳/豬柳漢堡扒/香煎雞扒/香煎豬扒/炸雞中翼/司華力腸，配茄汁焗豆 及蒜蓉厚多士。豬扒同魚柳炸至金黃色，酥脆可口，旁邊搭配火腿芝士奄列同蘋果粟米沙律，十分開胃。三文治都有好多選擇，沙律碎蛋三文治份量細細，醬汁夠多，適合做早餐。若想食的豐富啲嘅建議煙肉或芝士牛肉漢堡包，經典芝麻包皮配上嫩牛扒、番茄、菜、仲有大量沙律醬，口感層次感豐富，正。…查看更多

工廈美食🏢，呢間餐廳喺工廈入面，環境幾乾淨企理✨，唔會覺得好侷促。雖然係工廈，但感覺幾舒服。仲要員工之間嘅互動好好笑😂，聽到佢哋講嘢都覺得幾開心輕鬆🥳蟲草花響螺淮山杞子湯 🍄湯底清甜，飲落好舒服😌，材料都幾足料，蟲草份量都花唔少👍，成碗湯都暖笠笠，好適合冬天飲🥣古法支竹羊腩飯 🐑羊腩炆得好淋，入口即溶😋，肥瘦適中，唔會太膩，個汁幾惹味🤤，支竹都幾入味，配埋飯一流🍚，份量都幾多沙嗲金菇肥牛炒河 🐮🍄沙嗲味幾濃郁，金菇爽脆，份量都幾大，一個人食都幾夠飽西多士拼酥炸洋蔥圈 （下午茶）🍞🍟西多士熱辣辣🔥，外脆內軟😋，洋蔥圈炸得幾脆，唔會油淋淋👍，下午茶一流🥰吉列炸蝦餅拼酥炸洋蔥圈 （下午茶）🍤🍟炸蝦餅蝦味幾濃🦐，蝦肉彈牙，外層炸得金黃酥脆，口感豐富💯🌟番尋味📍開源道55號開聯工業中心A座2樓28號舖______________________________唔好走住，記得follow 我個openrice @eilidh_lifestyle 同like依個post ❤️______________________________#eilidh_lifestyle #foodie #番尋味 #開源道 #觀塘 #觀塘美食 #工廈美食 #羊腩飯 #西多士 #炸蝦餅 #下午茶 #香港美食 #香港餐廳 #食評 #餐廳推介 #美食日記 #相機食先 #地道美食 #hkfoodie #hkfood #instafood #delicious #yummy #comfortfood #hkig #foodiesofinstagram #goodvibes #員工友善…查看更多

相約在觀塘工作的舊同事午餐，他約我到開聯工業中心內的「番尋味」茶餐廳，這裏真的是要附近上班的人士才知道這間人世茶餐廳，彷彿穿越回港式飲食文化的黃金時代。午餐附送老火例湯，今天是花生雞腳紅蘿蔔湯兩，花生與雞腳的搭配滋補養生，紅蘿蔔的清甜恰到好處地中和了湯的厚重感，每一口都有家常的感覺。叫了星洲炒米，搭配蝦仁、火腿等配料，口感豐富，炒得好香。同事叫了特色咖哩海鮮飯，非常豐富，有炸蟹鉗、魚柳、鮮蝦、鮮魷、蟹柳等，也不錯。飲品叫了韓式柚子梳打，清新解膩。…查看更多

有一種懷舊，叫香港味，而茶記作為香港獨有特色，頹飯「快、靚、正」就系茶記既標誌。今次小編就帶大家黎到觀塘，同大家介紹一間隱於工廈入面平又扺食既平民茶記 一 番尋味 @wheres.yummy🌟菠蘿油 $26菠蘿皮酥脆，包體鬆軟，搭配埋塊牛油🤤👍🏻👍🏻🌟西多士 $34多士炸得金黃之餘亦幾鬆軟，搭配埋牛油同糖漿🤤👍🏻👍🏻🌟蒲汁雞皇飯 $46份量比得相當大方，雞肉大大粒，汁飯非常好送飯🤤👍🏻👍🏻🌟8吋珍寶熱狗皇 $28熱狗算大隻，微微烘過，包體鬆軟🤤👍🏻🌟珍寶炸雞脾餐 $38炸脾大隻之餘炸得金黃酥脆，搭配埋雜果沙律，非常港式懷舊🤤👍🏻👍🏻🌟瑤柱福建炒飯 $54料比得相當大方，汁飯非常好送飯🤤👍🏻🌟全日常餐 沙嗲牛肉麵 火腿奄列 $37沙嗲帶花生香，牛肉亦嫩滑，搭配火腿奄列同方包，真系好港味🤤👍🏻👍🏻📍番尋味地址：開聯工業中心A座2樓28號舖#觀塘 #番尋味 #茶記 #西多士 #菠蘿油 #覓食觀塘 #食在觀塘 #工廈美食 #全日常餐 #火腿奄列 #為食關注組 #觀塘食乜好 #蒲汁雞皇飯 #沙嗲牛肉麵 #香港美食地圖 #珍寶炸雞脾餐 #瑤柱福建炒飯 #8吋珍寶熱狗皇 #九十後行到邊食到邊…查看更多

天氣凍就想食羊腩煲？出去食閑閑地都要二百幾三百蚊？但一條友又食唔晒咁多今次搵到一間觀塘餐廳$39就可以食到嘅羊腩煲飯另外普通午餐都係$40至$50左右🥘古法枝竹羊腩煲 $39入面有成七八舊羊腩仲有幾舊冬菇同枝竹以呢個價錢嚟講絕對抵食！😋阿華田脆脆西多士 $38勁多阿華田脆脆鋪喺面西多士蛋香味好重炸得好酥脆加埋煉奶阿華田脆脆超邪惡！…查看更多

天氣轉涼就搵個啱心情嘅暖胃食物，推薦番尋味，位於觀塘地鐵站附近工廈，羊肉飯做緊優惠只係$39🥴。但係咁平一啲都冇揸流攤，佢地羊肉煮得剛剛好，皮同肉質彈牙，唔會老。啲米飯都吸收晒羊肉嘅味道，好香好濕潤，一啖落肚就係一種滿足感！食完暖笠笠。另外，佢哋全日特餐選擇都好多元化，唔單止有炸雞亦同埋蒜蓉西多士都係好出色嘅選擇。最吸引係佢哋嘅價錢啦，兩個人食飽飽唔洗$100，真係超抵食啊！總括黎講，係觀塘食飯，除咗填飽個肚之外仲可以食餐好同暖暖胃。…查看更多