米線工房 (已結業)

有時晏就一丁友 唔知食咩好
就會搵D快靚正的地方食
佢地的番茄湯米線就係我單丁時的不二的選擇

番茄湯米線/芥蘭/豬軟骨 $44

番茄湯香濃夠味
有時仲見到有D月桂葉係湯入面
亦唔似華嫂果間番茄湯咁得面果層先有番茄
重點係食完飲埋佢個湯 我無叫野飲 都唔會口渴

米線口感好 通常配個時菜同豬軟骨就夠
今次啲菜仲有好細粒嘅發泡膠未沖走 😅
不過少少就拎開佢就算
豬軟骨大舊又入味 份量都唔少 浸湯食好正
一定夠飽 而且價錢唔算貴
係觀塘可以$50埋單的地方真係唔多
又係一間翻兜之店！