米線工房 (已結業)

今日係公司附近搵倒間食酸辣米線🍜，門口寫住外賣滿$50有9折，望入去餐廳坐位唔算多，可能都想顧客多啲外賣所以先有9折。睇睇張點餸紙，其實選兩至三餸已經$50有多，所以價錢唔算平。今日叫左墨魚頭加生菜🥬酸辣米線（中小辣）加杯凍飲剛好$50有9折優惠😃。打開碗米線🍜實在有啲失望，望落去湯底水汪汪咁，試一試，得個辣字，酸味欠逢，只係間中食倒酸菜先有酸味🙄，老實講，食得酸辣野如果得個辣字確實怪怪地。可能係外賣原固，米線🍜質感都偏腍，成碗野最值得一讚係墨魚頭，都幾爽口，而且墨魚味幾重。…查看更多

今日放假，專登落觀塘搵埋細妹食個lunch，佢知我一向鍾意食粉麵，於是就帶左我去米線工房，佢話果度無論（酸辣、麻辣同蕃茄湯底）都好正今次我叫左（小辣）麻辣湯底🍜🥢，加墨魚頭、芥蘭，先講湯底，唔會係好渾濁個種，清得黎麻辣味好夠，加埋大量嘅芫荽、芽菜、肉碎，增加湯底嘅香味👍🏻，墨魚頭，大大粒又夠厚，有咬口得黎又唔會靱，呢個真心推介👍🏻，芥蘭而家最合時令，菜莖脆而唔會帶苦澀味，總括黎講$46一個米線連湯底加兩餸價錢可接受…查看更多

佢係我以前返工時經常性嘅lunch我每次都係叫酸辣米線，小辣辣度不太穩定，有時會比較辣，有時又唔辣米線份量都好多，唔會因為下午茶而細份左今次叫左腩肉+生菜餸嘅份量岩岩好我嗌2個餸，下午餐包左野飲Total都係$45，我覺得都算抵食…查看更多

今日lunch同朋友一行三人出左街搵野食，天口咁熱都冇胃口食飯，所以就諗起去食湯米線🍜，辣辣地，濕濕地醒下胃。今日黎得晏左，門口已經有人等緊位，不過好快已經有位，朋友唔食得辣就叫左手工菜肉雲吞麵，佢話湯底清清地，雲吞都好大粒，有肉嘅鮮味，麵就應該係上海幼麵，好滑，佢比讚👍🏻我就必定叫酸辣米線（小辣）上次都講左，墨魚🦑頭必叫，好鬼正，湯底酸辣適中，超級醒胃😋，每次都連湯飲埋（不過唔好意思，食到一半先記得影相☝🏼）🤣今次有小插曲，老闆想我地讓張大枱出黎，換張細枱比我地，佢就好好人請左一碟麻辣皮蛋比我地食🤣無啦啦算係有收獲…查看更多

觀塘區如果想食米線，呢間米線工房必定推介，鋪位唔大，全鋪大約30個位左右，坐位都有小小迫迫夾夾，但食物水準一流👍🏻。如果下晝食飯時段，必定要排隊。呢度有麻辣、酸辣、仲有蕃茄湯底。極力推薦蕃茄湯底，味道好濃郁，每次都連湯飲埋，感覺上冇加味精（因食完唔覺口乾）好正👍🏻酸辣湯米線，每碗都加有碎芫茜同肉碎，好香，酸同辣都調得岩岩好（仲有5個唔同辣度選擇）呢度價錢算中上，一碗湯米線大約$27,加多兩至三個餸連杯凍飲差唔多$50-60蚊架啦⋯⋯價錢雖然貴左小小，但係佢地嘅湯底實在太出色，所以貴小小都冇所謂啦⋯⋯最後要推介呢度嘅豬潤同墨魚頭🦑，豬潤好粉，墨魚頭好鮮黑魚香有咬口但唔會韌，必食之選，食過就知我冇誇張🤣…查看更多

今日上完堂，就去左尼度食米線。環境方面，地方唔算大，不過都坐得舒服。我地分別叫左豬耳腩肉酸辣米線，豬潤腐竹酸辣米線同小食麻辣墨魚頭。尼度既米線好大碗，比其他地方多米線，酸辣湯底好開胃野味，入面有少少肉碎。腩肉有油香，豬耳脆口，好味，食哂成碗已經好飽。另外，要熱烈推介尼度既麻辣墨魚頭，辣汁調配得好野味，墨魚頭非常有口感又唔會太硬，而且辣汁既味道完全洛入哂墨魚頭入面，好入味，令人食到停唔到口 ，尼個黎到一定要試。整體黎講相當唔錯，係我喜歡的米線味道…查看更多

觀塘lunch time 一個人 又想食辣野 呢間餐廳可以幫到您 （除左辣湯底 都有其他口味湯底-蕃茄湯都好多人簡）店舖唔算大 坐位較逼 勝左上餐時間唔會太耐 1:00左右時間 都唔洗大等位 慳返時間 係快食lunch之選 不設加一收費每次都會叫麻辣湯底米線 中辣都唔算係好辣 豬軟骨份量比較多 雞肉唔係雞絲呀 成塊過-似係比較大既雞片 再配杯凍飲 爽麻辣墨魚頭 係首選小食 口感好爽口 唔會覺得腥 *如果可以 下午茶時段係會送飲品架 性價比即時高左 …查看更多

米線店開到成行成市。好多時都會走左大連鎖店食。去開觀塘廣場附近。發現佢對面有間米線小店。見到有墨魚頭金錢𦟌呢啲比較唔常見嘅餸揀。感覺應該小店幾有誠意。就入去支持下。侍應態度不太友善。冇叫野飲想拎杯水好似唔多想俾。明白搵食係辛苦嘅。不過做小店服務好重要。聽到唔少單都落錯餸。所以米線送上枱時都睇一睇清楚先敢落筷。叫左蕃茄湯米線。配生菜豬紅牛丸。牛丸正常。豬紅唔滑不過冇怪味。生菜都靚仔。個蕃茄湯有驚喜。唔係好假嗰啲蕃茄味。清得黎蕃茄味又夠。仲見到有好多碎碎嘅蕃茄皮。同區黎講定價唔算平。不過為左個湯行過都會再黎。…查看更多

有時晏就一丁友 唔知食咩好就會搵D快靚正的地方食佢地的番茄湯米線就係我單丁時的不二的選擇番茄湯米線/芥蘭/豬軟骨 $44番茄湯香濃夠味 有時仲見到有D月桂葉係湯入面亦唔似華嫂果間番茄湯咁得面果層先有番茄重點係食完飲埋佢個湯 我無叫野飲 都唔會口渴 米線口感好 通常配個時菜同豬軟骨就夠今次啲菜仲有好細粒嘅發泡膠未沖走 😅 不過少少就拎開佢就算豬軟骨大舊又入味 份量都唔少 浸湯食好正一定夠飽 而且價錢唔算貴係觀塘可以$50埋單的地方真係唔多又係一間翻兜之店！…查看更多

外賣十次有八次都比錯野，酸辣同麻辣搞錯晒，辣度又錯，有時面可以少到一拎起得兩啖，送又少，之后先知全公司都冇人食，女都話又貴又吾夠飽，40幾蚊二送，湯底又吾得，豬皮好難食，真心吾抵食，吾會再幫親 …查看更多

3人行冬天最好食有湯嘅嘢～經過依間見有米線食就試吓啦～食完暖暖地響鈴卷、五餐肉、豬紅小小辣麻辣米線～湯底小麻、小辣～略偏鹹重味～份量適中～配罐忌廉下下火冇得頂呀海膽丸、豬軟骨蕃茄米線～好少地方個蕃茄湯底係用新鮮蕃茄自己煮嘅～唔係用罐頭茄膏～所以食落唔會覺得味精好重好喝～海膽丸彈牙～豬軟骨都炆得好入味好淋炸醬蕃茄湯米線～炸醬分開裝～豬肉粒粒分明～但偏鹹配蕃茄米線一齊食味道就剛好另外叫咗杯熱奶茶、罐裝忌廉:)…查看更多

米線皇后發掘到一間出色既小店👍😋#腩肉麻辣米線（中小辣）🌶🌶🍜$36腩肉薄身到好似肥牛😱😱😱好出色！雖然份量比較少，但好惹味🤓幼身米線🍜痴住好多肉碎粒，再加埋啲湯真係好好食，湯底夠味👍好味指數：😋😋😋😋😋（五分最高）#豬軟骨麻辣米辣 （小辣）🌶🍜$36豬軟骨有三舊，肉係淋身但唔係用滷水醃好味指數：😋😋😋😋（五分最高）#麻辣黑魚頭 🌶$38（老闆推薦我地食）😱好爽口😱，份量好多，個醬汁夠曬辣👍好味（好似譚仔皮蛋個隻辣味）但呢間唔會太多油👍👍👍真係好好食好味指數：😋😋😋😋😋（五分最高）*下午茶時段會送凍/熱飲 ☕️ 汽水除外（14:00-17:30）👍下次會再叫呢個同嘗試蒜泥白肉😋🤓…查看更多

喺觀塘區的確係有好多餐廳而米線亦都有唔少選擇但食咗好多間始終都冇一間係有正常小窩米線嘅水準巧合地係觀塘行街入咗呢一間鋪頭竟然比我搵到我鍾意食嘅口味啊呢個價錢喺觀塘區來講已經算係吸引雖然佢配料嘅選擇唔算多但係佢嘅湯底同米線已經加返分今次又係下午茶時段嚟到所以每一係米線都會送一杯飲品我叫咗豬軟骨腩肉酸辣米線不厭其煩要講多一次啲碗米線真係好好味首先湯底濃郁而冇味精 飲咗湯都唔會覺得口乾我今次叫咗中小辣 酸味同埋辣味都好足夠但係又唔會搶咗對方嘅特色豬軟骨都有四舊 雖然唔算十分之入味但係分量多另外腩肉唔係啲好肥嘅部份出邊好多米線舖都會比啲五花腩嘅部份真係有肉嘅份量得返好少最後連佢嘅米線都要值得一讚呢間鋪頭嘅米線住得非常好唔會過熟所以你咬入口嘅時候都有彈牙爽滑嘅口感所以呢一餐可以食得出呢一間米線譜嘅功架係十分之穩好…查看更多

初泥觀塘報到，用左一個月時間，試左幾款麵/米線，水準都穩定而且求其點都唔會難食。如果我lung廚想哋碗米線，唔洗唸就算冒住俾人偷手機既危險（認真）都要行過泥買，因為佢地生意太好唔送外賣。有人話，要試一間麵鋪既湯頭，一定要揀蕃茄湯。雖然我都唔知點解，但事實證明左條友講既係岩既！蕃茄湯無求其落茄膏hea煮，真係切新鮮蕃茄落去煲（一粒粒蕃茄肉）肉燥真係用免治豬肉，炒到一粒粒（唔似某間米線個肉燥好似一pat嘔吐物咁）米線雖然有陣時會煮唔夠淋，不過都只係al dente，唔會太過份。另外推介俾芫茜友，記住俾多$5加芫茜，佢會另外俾個紙杯你（外賣）, 芫茜都係要新鮮食先有味包你食過番尋味！另外担担麵都好用水準！（最衰張相連埋手機俾人偷左...）估佢唔到個中辣真係辣！仲辣得幾過癮添！利申：大眾評級最勁食小辣…查看更多

今日去開東廣場做野，但落住毛雨雨，就決定係附近食野🍴本人係米線控，見到有間專食米線的小店就當然要試下餐廳位置唔多，坐到20-30人，不過坐落尚算寬敞因為lunch多人，都要等左一陣先有位，係等位其間已經比定點餐紙，一坐低就可以即刻落單，慳返d時間有4款湯底--麻辣, 酸辣, 蕃茄, 清湯可以選擇，辣度亦分得detail，而且配料選擇都唔少👍仲會有d小食，如果幾個人都可以叫個share😋等左5分鐘，我碗米線都上枱了，都幾香湯底都幾濃郁但唔會好咸，麻香味夠，第一次食所以叫個中少辣試下先，辣度都適中，會愈食愈辣😋米線係幼身腍身，掛湯力高😋，食落麻麻辣辣，好惹味，而且份量都幾多配料--我就叫左午餐肉同豬大腸午餐肉有煎過幾香口👍仲係厚切的，有口感豬大腸既滷水味好入味，而且唔會好多肥膏，配埋麻辣湯食一流😋有成8-9舊總括黎講:米線質素中上，員工態度十分好，不過價錢貴左少少，性價比一般🍳🍴味道: 7.5/10👩👨服務: 7.5/10🏠💺環境: 6.5/10💰💸抵食: 7/10總消費: $51 (1人)…查看更多