鴨仔冰室 (已結業)

觀塘呢個工厦飯堂真係臥虎藏龍！今日試左呢間鴨鴨餐廳，見佢個標誌得得意意咁，都冇諗住佢嘅嘢食會有幾好食，點知令我非常驚喜。我同朋友分別叫咗羊扒同埋牛扒大蝦餐，個餐百幾蚊本身都覺得有啲貴，但食完之後就覺得非常抵！先講講牛扒大蝦餐： 牛扒好林滑又有肉香！食得出食材係好野來！個蝦都好香下！蝦頭充滿蝦膏！最重要係佢個汁非常好味，配意粉食真係一流！啲意粉都住得軟硬度適中！非常美味啊！另外講講個羊扒餐！呢個真係重點推介！第一，佢份量好多，有三大嚿，仲要係厚切！第二，佢肉質非常鮮嫩，同樣充滿肉汁，有香味 ！第三，鋪面嘅將芥末香料非常好味！配襯得好好呀！！真係非常非常好味！而且大大份好抵食呀！配上薯條真係一流， 佢個燒汁都非常好味，真心推介！最後叫咗一個甜品，甜品份量都非常之大，加少少錢就有啦，同朋友分享一個都夠了！真係非常飽足滿足嘅一餐啊！