鴨仔冰室 (已結業)

跟著胃口，我闖入了這家平民化的美食天地，穿梭在香氣撲鼻的燒烤與熱騰騰的美味湯品間。話咁快已經係坐定定，準備開展我嘅味蕾之旅。首先登場嘅係串燒拼盤，佢嘅味道絕對可以用「正」字形容，每串串燒都包裹住炭燒嘅獨特香味，真係軟滑又夠味，簡直係一個入口即化嘅驚喜🍢。再來令我目不轉睛嘅，当然是牛油香菇湯了，嘩，飲一口，濃郁嘅牛油味同菇菌嘅鮮味撲鼻而來，真係啱哂呢個濕冷嘅天氣，飲落去感覺暖笠笠。嘿，你以為呢啲就已經嚟到終點？未完喎，最後嘅壓軸就係燒烤拼盤，每樣肉都好似講緊故事咁，有嘅是悶火慢燒嘅溫柔，有嘅則係辣味夠晒力嘅野性，根本停唔到口😋。整體黎講，這家餐廳絕對有自己嘅風格同埋特色，無論係環境定係服務都一流，就算唔係尋求精緻大餐嘅你，都絕對可以喺呢度找到平民價格但係大將風味嘅美食享受！👍…查看更多

中午lunchtime 去買外賣，叫咗黑椒牛扒腸仔前蛋飯+凍檸茶！等左起碼20分鐘先有！明既，中午人多！返公司打開盒飯係唔熱嘅，塊牛扒硬過牛肉乾，重點係的黑椒汁咸過海水，好似落左成樽鹽。 本人對食物要求好低都覺得好難食。而家咸到個口好想嘔🤮！$72食呢啲質素不如食大排檔，至少鑊氣一定夠！第一次食，中伏！No next Time!😡⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ …查看更多

淡到水咁嘅喇沙去到見有好多唔同款嘅西多所以坐低諗住叫個tea食點知佢三十幾蚊份西多唔包野飲，話要加十幾蚊先有野飲咁算啦叫咗個雞扒喇沙，問佢有無得走芽茶，佢話set死左無得走，我心諗咩set死呀你唔落咪係囉問多兩句又話原來無芽茶嘅到個喇沙嚟到，哇難食到咩咁，完全無味我同朋友食咗幾啖，同清水真係無乜分別件雞扒鞋到乜咁又細塊成碗個份量好似兒童餐咁...朋友叫左個咖哩除咗個顏色係正常之外，完全無咖哩味，唔知食緊乜完全係連超市d即食產品都好食過呢間餐廳…查看更多

食物種類不多點了海鮮喇沙湯米粉，外表望落都唔太差，有青口，蝦，魷魚。豆腐卜。但勁難食！！蝦和魷魚的急凍味仍在…勁淡味，基乎接近用水白洽味道一樣:(完全稱不上喇沙！就連杯檸檬茶都勁難飲！茶味淡到一個點..一向對於番工lunch 都冇咩期望，但呢碗野真係難食到食唔落…最後食左一半都放棄了…查看更多

60蚊叫咗個嫩牛飯，上係上得幾快，不過就完全無調味。在觀塘，60蚊應該算高價，點知都係只能食到咁樣嘅嘢，只能空悲切。雖然都唔係要求完美，但至少啲嘢要對得住個價格啦。…查看更多

話說我午餐去呢間餐廳買外賣，叫左印尼炒飯同凍檸茶。等左15分鐘，遲過我買嘅人都已經拎曬外賣，咁我就問下，原來漏左單，個中年男職員態度極度惡劣，一句sorry都冇都算。最過分係我落單時已經講左走餐具想環保啲，到我拎到我份外賣見到有餐具，咁我自己拆返出黎比返佢地，點知個男職員話，不如你掉左佢！嘩，有冇搞錯，我唔知比咩反應，我係自己拆袋外賣比返佢，好聲好氣，佢竟然唔收我份餐具叫我掉左做，呢間餐廳又漏單又唔環保態度仲要極度惡劣，我發誓以後唔洗錢都唔會再幫襯！最後返到公司食盒外賣，啲蝦片係淋曬，個飯亦都唔熱嘅，呢間垃圾餐廳真係唔需要再幫襯！…查看更多

.🔖鴨仔冰室 | 𝑲𝒘𝒖𝒏 𝑻𝒐𝒏𝒈係觀塘想食冰室，紅茶又食到悶可以試下呢間鴨仔冰室🐥一見到有沙嗲牛肉煲仔麵就決定左係你啦比卡超🤣！餐廳係愛琴坊入面，因為愛琴坊入面有好多餐廳，環境有少少逼🤌🏻不過咁嘅價錢係咁上下。.雖然係煲仔上，但同朋友研究完一致認為應該係煮完個沙嗲牛再放入個煲度😂叫個時仲ff 佢係煲仔飯咁係入面煮原煲上。但整體味道都幾好，比出面其他茶餐廳/冰室嘅一般沙嗲牛嘅湯底更濃郁、更有花生味(你睇個色就知) 🤟🏻真心好食過沙嗲牛關注組長期吹捧嘅荔枝角好好運！當然長洲通記仲係我嘅第一位🥇👅但以唔洗搭船黎講嘅沙嗲牛已經算好好食！*沙嗲牛肉煲仔麵配奶油多士 $50…查看更多

見openrice好多好評特登搭車去觀塘過黎食，本身係想叫扒，點知現場個餐牌同openrice既完全唔同，根本冇扒食🫠個餐牌好少嘢叫左個鹵水雞髀意粉🍗，因為想係餐廳出面食所以叫左外賣，即場就開左黎食，個雞髀鞋過d雞胸肉未食過咁鞋既雞髀，超伏叫左杯咖啡好難飲，完全唔推薦，唔知點解可以有咁多好評，真係伏到喊🥲🥲（個豬扒唔係餐入面既食物，係其他餐廳嘅）個雞髀真係好難食，唔知煮左幾耐先可以煮到咁😩…查看更多

今次跟著友人搵食帶左我行去愛琴坊入面原來呢度隱藏左一個小food court入面既餐廳都好多元化 有拉麵 pizza 咖哩今次決定入呢間鴨仔冰室試一試呢度既裝潢餐桌擺設都有種高級西餐廳既feel不過lunch既價位都大概係50至60蚊今次同友人叫左1) 黑松露醬雜菌螺絲粉2) 豬仔脾碗白飯黑松露醬既份量好多撈晒成碗之後每一粒螺絲粉都掛到唔少醬食落既黑松露味非常濃郁不過螺絲粉相比之下比較硬如果煮耐少少淋身d會更好而成個粉亦比較油 食到最底既時候有一大層油係度至於友人既豬仔脾一碟飯有成3隻豬仔脾 份量非常多而我都偷食左一兩舊食落既肉質十分嫩口 而且一咬就離骨比較之下我會推介豬仔脾另外跟餐可以加5蚊配餐湯同飲品最後埋單都只係每人大概60蚊食物味道正常 但係環境坐落十分舒服:):)…查看更多

原本諗住Hea食，無影相，但最後忍唔住要寫😤午餐的沙律，凍到牙都痺，仲要沙律醋叔叔地。👎🍜猪頸肉芝士撈丁（冇影相）芝士顏色好黃，好似麥當勞嗰啲芝士顏色咁，顏色好夠，但食落冇乜味，仲要一pat pat 撈埋啲麵又太冧，冇咬口。🍛鴨仔雜扒餐一黎就雞扒唔熟👎我地叫廚房再整整，之後就同人亂左單🙄後來返黎個餐，本身我要「雜扒餐配薯菜」，依家變左意粉！之後佢話整好左，問我要唔要🙄因為太肚餓所以照食！餐入面有豬，牛，雞！三樣扒直接講雞唔熟，牛同豬用得太多鬆肉粉，令到兩樣變左為同一樣嘢的口感！係！你冇聽錯係用「嘢」黎形容，因為食落完全唔係一舊肉既感覺！最後我只係食左啲意粉就算，意粉剛剛好係好食的。不過佢個黑椒汁我相信佢同其他汁係一樣， 因為黑椒汁係冇黑椒味！👎👎…查看更多

做嘢做到頭都暈， 2:30之後喺觀塘行過圈都有好多唔同嘅下午茶餐，今次嚟到呢個場，都有好幾間唔同嘅餐廳食店，但係比呢間鴨仔大大隻嘅公仔吸引，所以就過嚟嘆個下午茶餐。下午茶餐嘅款式都好多，想食粉面又有，三文治多士又有，雞髀雞翼薯條亦都有，真係各適其適，適合唔同嘅食客。價錢都相當吸引而且抵食。炸雞髀配薯條雞髀大大隻，炸得都幾香，配上薯條真係下午茶嘅極品之一。公司三文治高級豪華版嘅三文治係我嘅最愛之一，材料豐富，而且份量好大件，抵食而且好飽足。羅宋湯螺絲粉配雙蛋羅宋湯底唔錯，有啲蔬菜而且唔會太鹹，配隻煎蛋感覺幾健康。福字麵拼火腿蛋地道下午茶餐之選，梗係食福字麵啦，火腿蛋呢個永恆不敗嘅配搭，幾時都咁好食。紅豆冰、菠蘿冰及熱檸水飲品可以有唔同嘅選擇，紅豆冰同菠蘿冰好啱夏天食。…查看更多

這家餐廳位於商場之內，商場屬於小型的商場，這就是一個小店的集中地，地理上還算方便，位於牛頭角地鐵站附近，路程只需要五至六分鐘左右。餐廳主打的也就是港式美食，而我這天選擇的也就是他的金牌扒餐， 內裏包含三款 扒類，也就是牛扒，豬扒和雞扒， 配搭薯菜 和我最喜愛的黑椒汁。 最欣賞的就是他的扒類， 全因為吃得出完全沒有化學成分，無需鬆肉粉也可以做到這樣的超水準， 另外，更要提及的也就是分量方面，薯菜分量極多，這樣的價錢絕對是一份性價比極高的美食。…查看更多

第一次食下午茶的茄通是ok的，只是份量少。第二去賣晒，加錢食辛辣麵...但竟然係白烚俾我，湯粉乾料另上....仲要用個西餐湯碗裝....勁細（係上次茄通隻碗）........裝住d麵已滿晒，加幾湯匙清浸住水，加完湯粉都好難撈.......完全唔理解點解可以用咁既碗上..........大湯碗然後個炸脾係完全無味，勁乾，似翻炸左好幾次咁，大家樂好食一百倍，應該係食過最難食的炸脾，完全無法再俾機會了。…查看更多

我之前在附近返工都無機會黎呢道食野,今日終於有機會喇,在OPENRICE book左位先,之後直接入去餐廳餐廳樓面好多職員,我地一坐低,有個女職員想盡快幫我地落單,造成少少壓力,哈哈果陣我地連餐牌望都未望,知道一到12:30後佢地就忙到無停手,所以都盡快決定好食咩就落單,我揀左南瓜意大利飯 $52加$5包餐湯/沙律 + 飲品餐湯同飲品都好快黎到,賣相好唔錯,而且味道好好,唔會好咸或淡口南瓜飯粒唔會好軟或硬,比較多汁,而且好香甜o既南瓜味友人揀左粟米汁龍利柳意粉 $5x呢款意粉o既意粉份量真係好多,而且炒得乾身唔會黏口,醬汁多少少會比較好,龍利柳好厚切, 煎得岩岩好,個皮好脆而且好大件,真係好抵食環境都好舒服,係呢度food court最舒服o既一間餐廳,仲有兩隻大鴨仔做裝飾,幾可愛~員工勤奮有禮, 印象唔錯隔黎枱有個女士叫左一份羊架配飯lunch,真係勁大隻,有3隻,望落都覺得好吸引佢都話多到一定食唔晒, 50幾蚊真係抵食!!好在佢分左比佢o既男友人食下次一定會再來~…查看更多

之前都嚟過鴻圖中心 記得呢度有唔少嘅食肆 多數都係做工廠大廈生意 價錢亦都相對實惠 可以話係物美價廉今次就嚟咗呢間冰室食午餐 見到佢哋下午茶都有唔少經濟選擇 但係我呢個肉食獸就好奢侈咁叫咗一個雜扒餐 相對比較貴 但係肉嘅份量都多好多鴨仔雜扒🐷🐔🐂配薯條🍟 $89入邊有雞扒豬扒同埋牛扒 加埋岩岩炸好既薯條🍟 林埋黑椒汁 啖啖肉！ 啱晒高體力相食多啲肉 又唔想太貴既朋友 呢個午餐仲係套餐嚟嘅 有埋嘢飲同埋餐湯或者沙律 🥗 今次就叫咗餐湯 佢哋嘅餐湯係薯仔忌廉湯 飲落去都幾Creamy唔錯冰室來講最緊要佢一定係佢哋嘅奶茶☕️ 呢度嘅熱奶茶都唔錯 係經典茶餐廳風味 有時真係為咗杯奶茶☕️黎食個冰室午餐 都一定唔會失望今次仲家加$8叫咗個雞批 充滿咗牛油同埋雞肉嘅味道 做個下午茶就一流總括嚟講呢間冰室性價比都唔錯 嘢食都幾大份 啱晒附近食晏…查看更多