影片
更多
2021-07-08
25 浏览
最近有啲想食burger，就喺公司附近搵吓有邊間餐廳先。咁啱醒起呢間放lunch時間總是排長龍嘅店，一於放工同男朋友去食下！見到餐牌，見到都有幾款漢堡可以選擇，可惜嘅係漢堡冇套餐，呢樣野我就覺得店家應該可以改善下！🍡鹹蛋黃雞堡 HK$69由於個雞真係好脆嘅關係，一咬落去就脆到索索聲，同時雞肉又好滑！一開頭我以為口感會好似啲鹹蛋黃薯片咁，會好重鹹蛋黃味，但可惜個味道比較弱！🍡白菌之堡 HK$65開頭食落去會覺得安格斯牛肉好大舊，咬下咬下啲牛味就慢慢湧出嚟，去到最後就食得出蘑菇味！🍡時鐘雞翼套餐（8隻）HK$98呢個套餐可以揀四款味道，包括有孜然，柚子蜜，卡加牛油，菜脯，水牛城，辣味及加州風味！🎈孜然食落口係有少少孜然味嘅，但係個味唔夠出，比雞翼本身醃好咗嘅甜味掩蓋晒！🎈柚子離遠都聞到好香嘅柚子醬，食落口味道甜甜地，有有子嘅香氣，好好食，同埋都唔算話太甜！🎈菜脯第一次聽到菜脯雞翼，就梗係一定要去試吓啦！嚟到嘅時候見到好多菜脯係雞翼上面，感覺好新穎，食雞翼嘅時候同時食到菜脯咸咸地嘅味道，感覺唔違和，仲要真係覺得幾好食！🎈加州風味雞翼上面有好多芝士粉，但其實芝士味並唔太出！
見到餐牌，見到都有幾款漢堡可以選擇，可惜嘅係漢堡冇套餐，呢樣野我就覺得店家應該可以改善下！
🍡鹹蛋黃雞堡 HK$69
由於個雞真係好脆嘅關係，一咬落去就脆到索索聲，同時雞肉又好滑！一開頭我以為口感會好似啲鹹蛋黃薯片咁，會好重鹹蛋黃味，但可惜個味道比較弱！
🍡白菌之堡 HK$65
開頭食落去會覺得安格斯牛肉好大舊，咬下咬下啲牛味就慢慢湧出嚟，去到最後就食得出蘑菇味！
🍡時鐘雞翼套餐（8隻）HK$98
呢個套餐可以揀四款味道，包括有孜然，柚子蜜，卡加牛油，菜脯，水牛城，辣味及加州風味！
🎈孜然
食落口係有少少孜然味嘅，但係個味唔夠出，比雞翼本身醃好咗嘅甜味掩蓋晒！
🎈柚子
離遠都聞到好香嘅柚子醬，食落口味道甜甜地，有有子嘅香氣，好好食，同埋都唔算話太甜！
🎈菜脯
第一次聽到菜脯雞翼，就梗係一定要去試吓啦！嚟到嘅時候見到好多菜脯係雞翼上面，感覺好新穎，食雞翼嘅時候同時食到菜脯咸咸地嘅味道，感覺唔違和，仲要真係覺得幾好食！
🎈加州風味
雞翼上面有好多芝士粉，但其實芝士味並唔太出！
张贴
