板神鉄板燒日本料理 (駿業街)

营业中

休息中

今日同老婆去咗朋友介紹嘅觀塘餐廳食日本鐵板燒。呢一間餐廳開咗冇幾耐，鍾意食日本高級食材嘅就一定要試。價錢雖然係中上，但係值回票價性價比非常高。我同老婆就叫左一個二人套餐。二人套餐有前菜、沙律、澳洲鮑魚或者係澳洲龍蝦、香煎銀鱈魚、鵝肝、A5日本和牛燒、甜品。廚師烹調之前專登俾我哋影下食材，食龍蝦真係非常之大隻佔咗半隻碟廚師雖然非常之後生但係功力一流，仲會同我地閑話家常。龍蝦肉配上跳過味嘅龍蝦膏，味道簡直係一絕。第二味菜係銀雪魚，銀雪魚煎得非常之香，肉質亦都非常好味油份極重！超級好味跟住就係香煎鵝肝多士，好味到冇得頂。師傅專登煎耐少少，等冇咁油膩👍跟住就係A5和牛，我就揀咗三成熟，味道一流！食飽飽再來一個龍蝦湯，師傅將剛剛嘅龍蝦湯攞咗去煲湯，擺咗係增加湯嘅鮮味。跟住就去咗和牛炒飯，每一粒飯都炒得好香。最後師傅整咗一個餐牌上面冇嘅甜品，就係焦糖多士，配埋綠茶雪糕非常好味。