張公子

营业中

休息中

張公子呢個名成日聽，今日就同咗朋友去試喇😁位於觀塘駿業街，環境十分典雅✨菜式亦別具創意。✿ 秋霧鹵醉蝦 $128醉雞就成日食，醉蝦真系第一次食🤣原來同時加咗鹵水，醉蝦充滿黃酒 紹興酒味，蝦肉爽口彈牙🦐店員會幫忙加入乾冰，跟住再加入清水，就有出煙效果😆相當有打卡feel💨✿ 豔影蝦球 $168系香芒蝦球🥭裡面蝦肉結實，新鮮又爽口彈牙🦐出面香芒醬汁清甜，口感脆卜卜，配以一條條露筍，清甜爽滑。✿ 碧綠川椒雞 $148旁邊有唔少炸紫菜，好香口脆卜卜，雞肉頗嫩滑，而且帶有川椒味辣味好滋味🔥✿ 公子牛肋排 $398肉質嫩滑，牛肉味十分香濃🐮風味十足。