榮哥廚房私房菜

营业中

休息中

朋友突然間話好想食觀塘榮哥廚房私房菜， 咁咪即刻約多幾個朋友一齊食囉😂訂左個4人套餐，真係食到好飽。前菜本地水耕沙律菜伴芝麻醬，清新又開胃，榮哥自家甜酸齋比平時普通嘅煙靭好食，酸甜適中。另外雙色墨魚仔、茶燻流心蛋伴黑魚子醬配厚切茄子，賣相非常吸引。原盅燉哈密瓜螺頭黑毛豚肉湯，清甜滋潤，而燉姬松茸淮山甘筍黑毛豚肉湯就比較滋補，兩個湯都好清甜。香煎北海道帶子海中寶，帶子很大隻。桂花炒素翅，金黃色的雞蛋素翅顏色鮮艷。韓泡汁煮牛面肉配雙色蘿蔔，帶點微辣，牛腩非常林身又入味。招牌茶王燻雞，隻雞肉質好嫩滑，雞皮脆而不油膩。魚湯有機時令鮮蔬，魚湯清甜。有機菜又健康。大紅大紫炒飯，紅薯粒配飯真係大紅大紫，這是素菜人人都啱食。時令甜品係薑茶湯圓，我最鍾意食流心芝麻湯圓，糯米煙煙韌韌，今晚真係大滿足。