影片
更多
2022-07-24
639 浏览
同屋企人食飯，諗起呢間中菜私房菜，其實以前食過，不過佢嘅菜式時不時轉新款，唔怕悶。前菜擺盤好靚。茶燻流心蛋伴黑魚子醬配厚切茄子，流心蛋淡淡的茶香加上煙熏味，好滋味😋；茄子熱辣辣少少脆皮，加上醬汁好惹味👍🏻。雙色墨魚仔一隻原味一隻辣味，超級爽口😍。本地水耕沙律菜伴芝麻醬，好清新爽脆。另外仲有自家甜酸齋同埋爽脆雲耳白耳，好豐富。原鼎燉龍利葉青欖柑桔黑毛豚肉湯店員話呢個湯係夏日限定，湯好鮮甜好清，一啲都唔油，夏天飲的確好舒服。黑松露醬炒花尾躉班球配鮮露筍淡淡的黑松露配上龍躉嘅魚鮮味😋，好厚肉，加上厚厚嘅膠原蛋白魚皮，好正😍。另外，露筍好嫩，爽脆。蝦球水芙蓉賣相精緻，下晶瑩剔透，而且爽口😍。下面嘅蒸蛋白嫩滑，加上清新嘅甘筍汁，好適合夏天食👍🏻。蜜椒比利時杜洛克 StLouis橄欖豬肋骨用上橄欖，再配埋蜜糖加上黑椒，呢個豬肋骨好惹味，一人一件食到舔舔脷😋。韓泡汁煮牛面肉配雙色蘿蔔估唔到牛面肉都幾大嚿肉😂肉質鬆軟，煮得好淋好入味，微辣嘅汁好惹味，蘿蔔都係重點之一，吸收晒牛嘅肉汁精華，好正。米王有機時令鮮蔬菠菜好鮮嫩😋，食到啲湯汁有米香，原來係米湯汁，第一次食，幾特別👍🏻。農坊獨頭糖心黑蒜炒飯黑蒜好
前菜擺盤好靚。茶燻流心蛋伴黑魚子醬配厚切茄子，流心蛋淡淡的茶香加上煙熏味，好滋味😋；茄子熱辣辣少少脆皮，加上醬汁好惹味👍🏻。雙色墨魚仔一隻原味一隻辣味，超級爽口😍。本地水耕沙律菜伴芝麻醬，好清新爽脆。
另外仲有自家甜酸齋同埋爽脆雲耳白耳，好豐富。
原鼎燉龍利葉青欖柑桔黑毛豚肉湯
店員話呢個湯係夏日限定，湯好鮮甜好清，一啲都唔油，夏天飲的確好舒服。
黑松露醬炒花尾躉班球配鮮露筍
淡淡的黑松露配上龍躉嘅魚鮮味😋，好厚肉，加上厚厚嘅膠原蛋白魚皮，好正😍。另外，露筍好嫩，爽脆。
蝦球水芙蓉
賣相精緻，下晶瑩剔透，而且爽口😍。下面嘅蒸蛋白嫩滑，加上清新嘅甘筍汁，好適合夏天食👍🏻。
蜜椒比利時杜洛克 StLouis橄欖豬肋骨
用上橄欖，再配埋蜜糖加上黑椒，呢個豬肋骨好惹味，一人一件食到舔舔脷😋。
韓泡汁煮牛面肉配雙色蘿蔔
估唔到牛面肉都幾大嚿肉😂肉質鬆軟，煮得好淋好入味，微辣嘅汁好惹味，蘿蔔都係重點之一，吸收晒牛嘅肉汁精華，好正。
米王有機時令鮮蔬
菠菜好鮮嫩😋，食到啲湯汁有米香，原來係米湯汁，第一次食，幾特別👍🏻。
農坊獨頭糖心黑蒜炒飯
黑蒜好香，用嚟炒飯好惹味😋。個飯炒得飯粒粒粒分明，有鑊氣，而且有好多帶子粒，唔錯👍🏻
最後甜品係流心黑芝麻湯圓，湯圓唔知係咪用咗福元湯圓（見到店內貼咗張福元湯圓廣告）皮好煙韌軟糯，流心芝麻餡香濃，加上香濃嘅薑湯，超正😋。
张贴
