餐廳環境高雅，半露天對住塊小草地甚為開揚。美食選擇多，食物高質，得閒過來食下都唔錯。
瑪格麗塔披薩 $78
薄餅四塊，雞肉和芝士滿滿的好足料，加左茄醬香草，餅底烤得非常香脆，食得滋味。
燒肉眼牛扒配大蝦薯條 $258
牛扒厚身大份，七成熟燒得剛剛好，肉質粉嫩多汁。開邊大蝦兩隻新鮮爽口，伴碟的粗炸薯條好好食，外脆內軟層次分明。
蟹肉香草忌廉蕃茄汁扁意粉 $158
賣相吸引，絲絲蟹肉味道鮮甜，扁意粉軟硬適中口感滑溜，茄汁酸酸甜甜，意粉索汁入味，頗有水準。
荔枝紅茶 $38
荔枝清甜味道搭配红茶的茶香，好飲。
