Mini Friday (The Wave)

营业中

休息中

放工之後想係觀塘靜靜地食餐晚餐？今次揀咗觀塘The Wave樓上間Mini Friday 試吓。太約7:30到去到，唔算好多人，環境都算寬躺。火焰脆燒德國咸豬手見到豬手大大隻，又火焰又咁多嘢玩，叫咗一客Share，一上菜，侍應叫我哋準備好，就淋上點咗火嘅烈酒，等我哋影完相呢就會幫我哋拎返入廚房切好佢俾我哋食。本身已經好脆嘅豬手，俾火燒一燒，更加香脆。自選意粉又叫咗佢地嘅自選意粉，可以自己揀意粉種類、醬汁同埋配料，我就叫咗雞肉青醬扁意粉。估唔到又有啲水準喎，意粉煮得啱啱好之餘，醬汁又煮得好味。價錢已經包咗餐湯飲品，加$1仲有一個小甜品。