影片
更多
2025-03-13
490 浏览
同屋企人出街食飯食中餐一定最穩陣 今次嚟到朋友介紹性價比一流主打避風塘炒蟹嘅中菜館🦀 環境闊落企理 坐得舒服☺️ 最緊要係佢地有好多抵食套餐 炒蟹加自選海鮮都係$398起 好啱一大班人一齊食飯一齊share😍-🦀黃金沙炒蟹 拼 🦞上湯澳洲龍蝦 套餐價$698嚟得呢度當然要叫佢地嘅炒蟹海鮮雙拼套餐🤭 我哋㨂咗黃金沙炒蟹🦀 蟹肉份量都唔細 肉質鮮甜 可以二至三人分 搭配大量鹹蛋黃炒香 味道好香濃😍 另外我地㨂咗上湯澳洲龍蝦 龍蝦肉質鮮嫩彈牙 配撘嘅湯底䇜汁濃厚適中 鮮味之餘唔會過份搶戲 同鮮甜嘅龍蝦好夾😙-🐷冰鎮咕嚕肉 拼 🔥辣蟹莊小炒王 套餐價$288晚市小菜都有得㨂套餐 可以㨂冰鎮咕嚕肉加一個小菜 一大班人去就最啱啦😛 咕嚕肉用上冰粒鋪底上菜 冷縮熱漲之下令咕嚕肉外層更加脆口 而入面肉質保持多汁嫩滑🤩 醬汁酸甜味道適中 加上菠蘿同火龍果等撘配 好清新開胃😚 小炒王估唔到好有驚喜 用咗大量爽口嘅韭菜 加上唔同嘅墨魚魷魚等海鮮 同鹹香醬汁爆炒 炒到帶有少少鑊氣😍-🍜蟹肉桂花瑶柱炒新竹米粉 $178最後主食叫咗店員姐姐推介嘅蟹肉炒米粉 過然好香口 米粉吸收咗蟹黃同蟹油 加上蟹肉同瑶柱🦀 鮮味好
-
🦀黃金沙炒蟹 拼 🦞上湯澳洲龍蝦 套餐價$698
嚟得呢度當然要叫佢地嘅炒蟹海鮮雙拼套餐🤭 我哋㨂咗黃金沙炒蟹🦀 蟹肉份量都唔細 肉質鮮甜 可以二至三人分 搭配大量鹹蛋黃炒香 味道好香濃😍
另外我地㨂咗上湯澳洲龍蝦 龍蝦肉質鮮嫩彈牙 配撘嘅湯底䇜汁濃厚適中 鮮味之餘唔會過份搶戲 同鮮甜嘅龍蝦好夾😙
-
🐷冰鎮咕嚕肉 拼 🔥辣蟹莊小炒王 套餐價$288
晚市小菜都有得㨂套餐 可以㨂冰鎮咕嚕肉加一個小菜 一大班人去就最啱啦😛 咕嚕肉用上冰粒鋪底上菜 冷縮熱漲之下令咕嚕肉外層更加脆口 而入面肉質保持多汁嫩滑🤩 醬汁酸甜味道適中 加上菠蘿同火龍果等撘配 好清新開胃😚
小炒王估唔到好有驚喜 用咗大量爽口嘅韭菜 加上唔同嘅墨魚魷魚等海鮮 同鹹香醬汁爆炒 炒到帶有少少鑊氣😍
-
🍜蟹肉桂花瑶柱炒新竹米粉 $178
最後主食叫咗店員姐姐推介嘅蟹肉炒米粉 過然好香口 米粉吸收咗蟹黃同蟹油 加上蟹肉同瑶柱🦀 鮮味好出呀 而且份量都好大方 食到捧住個肚出門口呀😝
-
辣蟹莊 (觀塘)
📍觀塘駿業街58號電訊數碼大樓1樓
张贴
