MOO MOO

营业中

休息中

明明唔太鍾意食漢堡，唔知點解今日好想食，呢間之前食過佢嘅漢堡同沙律都OK，地點近牛頭角站唔算遠，於是同朋友又過嚟試😋經典之堡 $60呢個皇牌漢堡係我朋友念念不忘嘅漢堡，入面有芝士、手打牛肉、生菜、番茄同特製醬汁，一咬落去肉質鮮甜、搭配蔬菜同醬汁，口感有層次！菇菇堡 $59一個漢堡入面有兩個大啡菇，另外配有芝士、生菜、番茄、芝麻醬，大啡菇同芝士、芝麻醬都好夾，呢個價錢好抵！雞翼拼盤（12隻） $82✅玫瑰蜜糖雞翼(4隻)✅避風塘雞翼 (4隻)✅芝麻雞翼 (4隻）最鍾意玫瑰蜜糖雞翼，雞翼外層有蜜糖嘅甜味，加上少少玫瑰香味，味道清新又有層次。