川霸王 (已結業)

今日去開觀塘，朋友介紹話鴻圖中心有個美食廣場，咁就去睇睇有乜好嘢食啦。雲雲美食之中揀咗食川菜，因為佢個馳名酸菜魚吸引咗我😋，以前喺國內做嘢成日食酸菜魚都覺得好好味，咁我睇下佢今次呢個做成點樣先。🤗一大碗酸菜魚，魚肉都好多塊😍😍，絕對夠餸飯。食落去仲好好味，酸酸甜甜辣辣，味道層次感應有盡有，而且D肉質非常之滑嫩可口，一啲都唔「鞋颯颯」👍🏻👍🏻👍🏻，所以肉質加味道配合，再配埋白飯，簡直係天作之合。💯💯另外仲點咗兩款小食一個紅抽炒手同埋炸雲吞，個炸雲吞好好味入面好多餡料出面外脆內軟，又無炸燶曬好好味。🥰🥰最後加個四季春冰茶結尾，完滿嘅午餐🤗環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️