Mano (海濱匯)

营业中

休息中

最近觀塘海濱好似好受歡迎，最近要喺觀塘返工，見到好多人介紹呢個喺海濱附近嘅餐廳好高質，價錢平之餘環境都好靚，一於嚟試吓啦。本身約咗班同事一齊食，但係最後其他人要OT，咁就唯有自己一個食啦。估唔到一個食都好快安排到入座，但係見到成間餐廳都滿座，如果比較多人嘅話就記住訂位啦。我就叫咗個肉眼扒配set dinner，咁就有湯同埋嘢飲。呢度環境好好，好適合拍拖或者一班朋友聚會。一開始佢就俾咗個南瓜湯，我本身唔係好鍾意食南瓜，但係佢嘅南瓜味唔係好重，好似濃郁嘅忌廉湯咁，飲落好濃味，但係又唔會太膩，非常推介。肉眼扒我叫咗五成熟，估唔到佢真係整到啱啱好。而且牛肉食落好新鮮，煮嘅火候啱啱好，完全唔使點執已經好好食。而且呢度嘅Staff服務態度都好好，唔怪得咁多人介紹啦。呢間餐廳價錢唔貴，而且食材好高質，環境仲好靚，非常推薦大家嚟試吓。