本身想食隔離一間，點知閂咗門，轉戰隔離幾多人嘅台灣嘢！😝
一間幾正嘅台灣小食店！佢哋嘅刈包、蚵仔煎、地瓜條、鹽酥菇，絕對值得一試嘅美食！
首先，講下佢哋嘅刈包，入面嘅配搭啱啱好！啲五花肉煮得好入味，再加埋啲甜辣醬、花生粉、香菜同黃瓜，配菜嘅份量好多，一口咬落去，口感爽脆，超有嚼勁✅👍🏻
蚵仔煎就更加係餐廳招牌啦！蚵仔鮮甜，雖然唔係太多，表層煎嘅麵糊，下面一層蛋漿，加上特製醬汁，真係食唔停
地瓜條係啲餐前小食，炸得岩岩好，薯味同甜味都好岩💕
酸菜魚就正常湯底偏辣，有得加$5轉菜底，不過成件事整體偏油，勝在魚片份量較多😉
最後，鹽酥菇就係啲炸蘑菇，炸得好香脆，味道鹹香，一啖就停唔住！
小店形式經營，啲人都幾Nice
