Go Inside Kitchen (已結業)

觀塘工廠大廈入面嘅所謂樓上 cafe、私房菜真係多到數唔完。難得年尾又有人生日，朋友仔揀咗嚟呢間試下。室內裝修講真係無咩特別，叫做有少少聖誕節日氣氛咁啦。野食方面選擇唔多，dinner set 得 4 款選擇（始終係細鋪，呢點係能夠理解嘅）。到 8pm 已經只剩返 1 個 menu for two，另加 6 個 dinner set～ 有魚、有雞、有牛，還好嘅～整體嚟講普普通通，不過都有一道菜令我驚喜，就係『斧頭扒』啦！件扒真係好大舊、好厚身，非常有睇頭，只是 raw 咗少少，某些部份太鮮紅色。食到接近尾聲嘅時候就不停問我哋食完未，趕住幫我哋收碟同上甜品、餐飲咁。在於客人嘅角度，其實唔係咁好禮貌。