影片
更多
2016-10-12
898 浏览
近年，觀塘區的確變化唔少，唔少人放假都去行既好地方，一直都有聽聞觀塘工廈有好多隱世餐廳，而且種類繁多， 呢日終於下定決心同朋友一齊黎食晚餐，是晚落腳點－Go Inside Kitchen。一入店內，感覺環境寬敞及乾淨整潔，裝修簡約， 光線唔太猛都唔太暗，與同類型餐廳比較絕對屬於中上，及後，一位男店員非常友善及禮貌地安排座位比我地，還好我地6點半上去，所以仲唔算太多人，立即有位。一坐低，店員已送上蒜茸麵包，肚餓既我地唔客氣啦， 邊食邊點菜，感覺十分香囗，蒜茸味都充足，而且軟硬適中， 口感唔錯。打開餐牌，款式算多，價錢都合理。 我先叫左墨魚汁海膽意大利飯，朋友就叫香草檸檬烤美國野食春雞，小食方面， 分別選擇一客黑松露蜜糖烤雞翼同一客加勒比海海鮮球。少少題外話，係等候美食期間， 一開始領位既男店員介紹岩岩幫我地點菜既女同事係一名聽障人士 ，我地都完全唔擦覺，印像中只記得她既親切笑容。等左一陣，先上左一客墨魚汁海膽意大利飯， 當上菜時感到陣陣香味，海膽十分新鮮足料， 飯粒上被陣陣墨魚汁包著，融合得恰到好處。份量不多也不少， 絕對適合我地2位小女子享用。墨汁將我們既牙齒整到黑黑的， 非常好笑。再
一入店內，感覺環境寬敞及乾淨整潔，裝修簡約， 光線唔太猛都唔太暗，與同類型餐廳比較絕對屬於中上，及後，一位男店員非常友善及禮貌地安排座位比我地，還好我地6點半上去，所以仲唔算太多人，立即有位。
一坐低，店員已送上蒜茸麵包，肚餓既我地唔客氣啦， 邊食邊點菜，感覺十分香囗，蒜茸味都充足，而且軟硬適中， 口感唔錯。打開餐牌，款式算多，價錢都合理。 我先叫左墨魚汁海膽意大利飯，朋友就叫香草檸檬烤美國野食春雞，小食方面， 分別選擇一客黑松露蜜糖烤雞翼同一客加勒比海海鮮球。
少少題外話，係等候美食期間， 一開始領位既男店員介紹岩岩幫我地點菜既女同事係一名聽障人士 ，我地都完全唔擦覺，印像中只記得她既親切笑容。
等左一陣，先上左一客墨魚汁海膽意大利飯， 當上菜時感到陣陣香味，海膽十分新鮮足料， 飯粒上被陣陣墨魚汁包著，融合得恰到好處。
份量不多也不少， 絕對適合我地2位小女子享用。墨汁將我們既牙齒整到黑黑的， 非常好笑。
再上係一客香草檸檬烤美國野食春雞，睇見黃金色既外皮， 上枱時候香氣撲鼻，一咬下去香脆嫩滑，烤雞雞肉滑順脆嫩， 肉質口感唔太軟亦唔太實，雞身唔會過乾唔會粗糙，檸檬味濃郁。
薯菜配料份量適中，而且也很新鮮，值得推介。
小食方面叫左一客黑松露蜜糖烤雞翼，六隻大小適中，上枱時聞到最鐘意黑松露既香味，濃濃既黑松露香氣比我加分唔少。
從外觀上睇，雞翼外皮與一層黑松露醬一齊焗，十分入味， 煎香撲鼻，肉質口感俱佳。
另一客小食選擇一客加勒比海海鮮球， 三個小海鮮球被一層小脆皮包圍，配合甜甜酸酸既甜酸醬， 配合得宜，入口軟滑，異常開胃。
飲料方面選擇凍鮮奶咖啡， 同一般Cafe既Latte都差唔多，奶同咖啡調配水準之內， 不過不失。
都介紹一下朋友選擇Aranciata Rossa，飲左一啖，呢個血橙梳打，感覺清新，十分解渴。食物整體水準之上，服務親切有禮，環境都適合與友人共聚， 算係一個滿意既飯聚。
张贴
