秋田冰室

今日去咗觀塘秋田冰室食晏，真係比預期中驚喜！叫咗個鴛鴦炒飯，一上枱就嚇親——大碗到呢！白汁同茄汁雙拼，撈飯一流，仲要落足料樣樣齊，最正係啲蝦仁大隻又爽口，完全唔係普通茶記嗰啲雪藏蝦仔，抵讚！

另外試咗個芝士炒蛋魚柳包配薯角，個魚柳真係厚切到呢～外皮炸到金黃脆卜卜，咬落去"咔嚓"聲，魚肉又嫩滑，夾埋半溶芝士同滑蛋，邪惡到爆！不過認真熱氣，食完真係覺得喉嚨有啲痕，但為咗咁好味，生痱滋都抵啦！薯角炸得香脆。

唯一要彈嘅係地方有啲逼，枱同枱之間好窄，坐得唔算舒服。但以咁嘅份量同質素，$40-$50就食到咁豐富嘅下午茶，真係冇得輸！