秋田冰室

位於觀塘開源道79號鱷魚恤中心1樓嘅秋田冰室，真係一個懷舊又親切嘅地方！最近試咗佢哋嘅蕃茄薯仔羅宋湯午餐肉粒通心粉，湯底夠濃郁，酸酸甜甜嘅味道好開胃，加埋滿滿嘅午餐肉粒，真係好滿足🍅🥓搭配嘅仲有一個自家製脆皮菠蘿油，外皮香脆，內裏鬆軟，奶油份量啱啱好，咬落口即刻幸福感爆棚🥯✨飲品方面就揀咗杯紅豆冰，紅豆夠實在，甜度啱啱好，冰冰涼涼飲落真係好消暑🍹❤️ 呢個組合簡直係懷舊冰室嘅完美演繹，性價比仲高！如果你係附近，真係必試呀！💯 …查看更多

很旺場的店舖位置，六點到場都要排隊等位，不過是新店就試一試吧！新裝修，光線充足，溫度合適，就是枱與枱之間距離很近，給人一種很逼夾的感覺。餐具補充貌似不足，成張枱得兩隻匙羹在櫃桶，而且放得很雜亂，要自己找找。服務上除了安排你到位置同叫你掃QR code外，要水的話要自己斟，斟水機常常會見到有人排隊。椒鹽鮮魷就是椒鹽和鮮魷分離得有些嚴重，粉漿鬆散，椒鹽也不在粉漿上，看上去很好看，吃的話你會感覺什麼叫做食物中了分離咒。涼瓜魚柳煲的魚柳黐煲有些嚴重，但勝在個煲夠熱，還可以接受。白飯用的米質素很差，會見到不少黑點。羅宋湯只有酸，而且很酸，湯料配菜極少，整體中下水準。…查看更多

下午茶叫了牛扒、煎蛋通粉，牛扒和通粉都沒有味道可言，乏善足陳；跟餐熱檸茶，只得一個澀字。店內人聲嘈雜，座位狹窄，店員沒禮貌，幸而收銀姐姐會說多謝。$ 48下午茶餐，觀塘有多不勝數的好選擇，不會再去。…查看更多

今日四個人去食lunch，食完d碗碟好快就收哂，飲品仲有半杯，有個著黑衫、戴眼鏡、好矮嘅女侍應行埋嚟講咗兩次：出邊好多人排隊。我望住杯仲有三份一嘅飲品、再望住佢，佢話：我俾多少少時間你。嘩，真係多謝晒！轉頭另一個女侍應問都唔問一手收咗我同事杯未飲完嘅飲品，我哋話未飲完佢先放返低。走果陣向收銀投訴嗰兩個侍應，黑衫女侍應叫我哋出店外，無限Loop再指住出面有好多人排隊⋯其實有幾多人排隊關我咩事？依家係我杯嘢未飲完你問都唔問就收走咗，俾多少少時間我？我使唔使多謝返你？前言不對後語，佢話會同返啲同事講，講咗句唔好意思就走咗。最後我話上OpenRice比意見，佢話：好呀。我而家就照做。…查看更多

今日去咗觀塘秋田冰室食晏，真係比預期中驚喜！叫咗個鴛鴦炒飯，一上枱就嚇親——大碗到呢！白汁同茄汁雙拼，撈飯一流，仲要落足料樣樣齊，最正係啲蝦仁大隻又爽口，完全唔係普通茶記嗰啲雪藏蝦仔，抵讚！ 另外試咗個芝士炒蛋魚柳包配薯角，個魚柳真係厚切到呢～外皮炸到金黃脆卜卜，咬落去"咔嚓"聲，魚肉又嫩滑，夾埋半溶芝士同滑蛋，邪惡到爆！不過認真熱氣，食完真係覺得喉嚨有啲痕，但為咗咁好味，生痱滋都抵啦！薯角炸得香脆。唯一要彈嘅係地方有啲逼，枱同枱之間好窄，坐得唔算舒服。但以咁嘅份量同質素，$40-$50就食到咁豐富嘅下午茶，真係冇得輸！ …查看更多

食物就冇咩好講，茶餐廳質素不過不失冇乜驚喜。叫杯凍奶茶少甜就甜到飛起，水吧完全無視顧客要求。餐廳面積好大，不少卡位亦都有好多張細雙人枱，但明明有吉枱都係要人搭枱，張枱又細，又冇嘢隔住，同對面一個陌生人咁近距離食嘢真係唔係咁Ok囉。最後我都堅持坐去張吉嘅雙人枱。果個著黑衫嘅女員工（應該係高級啲）仲忿忿不平黑起塊面咁講咗幾次：「我哋好好生意架喎，呢度係要搭枱架喇，係呀我哋好好生意！」咁我就真係祝你生意興隆，我就一定唔會再幫襯。香港飲食業同的士司機服務一樣…查看更多

環境嘈雜擠迫，4人檯安排坐4個陌生人，但其實有其他位。員工態度有好大進步空間，漏單又就咁行咗去，唔會講句唔好意思，有食客不停舉手嗌唔該，員工視而不見，聽而不理，就算肯埋嚟，說話語氣一啲都唔禮貌。上菜混亂，飲品上完又上，呢張檯嘅食物就送咗去隔離檯，有啲食客等到發脾氣都未有得食.... 食物味道係ok嘅，但唔想再嚟幫襯。…查看更多

新開張諗住嘗試一下，食物好普通，叫了下午茶，奶茶非常澀，牛扒較韌。 不是繁忙時間來，迫人搭枱但無膠板阻隔。 服務態度麻麻，坐位較迫，店內好嘈，沒有下次🥲🥲🥲🥲…查看更多

帶位個姐姐，極不友善，耐心排隊等位，只係問點解後面入哂，我仍然等位中，就發脾氣回應。服務行業係辛苦，但都唔係鬧走客，平心靜氣食個飯都唔得既，係要趕我返深圳好在觀塘區多選擇，唔係得你一間茶記。…查看更多

雖然食物ok, 但位置設置好窄, 就算有位係都要人搭枱，見到幾個人入咗黎，叫佢坐個好窄要搭枱既位都就走，員工態度都mama, 食緊野係都要攪你張枱上面既野，買外賣食就ok, 堂食要諗清楚唔係真係食到再土氣出去…查看更多

公司附近觀塘鱷魚恤中心新開左間秋田冰室，上網搵先見到原來調景嶺都有一間... 新開第一日已經見到好多人試..可能新野啦..第一日拎左佢地餐單紙，價錢比起其他附近冰室/茶記可能貴少少， 不過贏在位置方便， 尤其落大雨嘅時候就最方便，而且佢都有新鮮出爐既麵包， 唔想食太飽揀佢都係一個唔錯既選擇。（6月29日）外賣自取佢地個沙爹牛麵早餐， d牛都算嫩， 沙爹醬都算多， 如果少d湯會更加濃味。 檸茶茶底正常， 個人唯一覺得唔好就係個餐包， 個面太多芝麻 （個人唔鐘意芝麻）, 如果有芝麻控既朋友就可能岩d . 同埋周邊茶記通常除左蛋會再配腸仔/火腿， 而哩間只有炒蛋+餐包值得一讚係佢地出餐速度，我落單後5-6分鐘已經拎得， 比我想像中快，good.有機會會再試佢其他食品…查看更多