日月堂

营业中

休息中

朋友今次介紹依間台灣小店，真係唔錯，ＣＰ值好高。小店位於永興工業大廈內，由於該廈不在外街，初去唔熟路搵左一陣。前往方法：可在興業街永泰中心與美興工業大廈之間路段進入即可小店環境簡樸舒適，灰牆木枱有著箇有的台灣味。點餐可掃描 QRcode手機落單好方便。美食價錢經濟，非常好味，可以俾滿分的台灣菜。起司肉鬆蛋捲餅 $40蛋捲飽滿餡料十足，餅皮蛋皮包得扎實，夾埋鹹香嘅芝士溶為一體，煙韌軟彈口感極佳，遇上香酥綿密嘅肉鬆，多份鹹甜的美味，如此美食令人感到幸福，來到一定要食。炸鹽酥雞 $48雞件有著酥脆的外層，咬落肉嫩，唔係好鹹，小食唔錯。炸排骨麵 $52排骨炸粉薄，肉好淋好入味，湯底唔錯味道清清，麵條幼細口感彈牙，撒上炸蒜及蔥花，特別喜歡其蔥花大粒爽口，好一碗台灣麵，非常滿意，值得返食。仙草奶茶 $24甜度適中，茉香味茶底啖啖清香，仙草滑滑Ｑ彈，凍飲好好飲。荔枝紅茶 $28清甜荔枝味與紅茶的茶香，慢慢品嚐，熱飲都唔錯。巧克力+奶酥吐司 $30一邊係朱古力味，一邊係奶酥味，奶酥飄出陣陣奶香，表面有著香濃酥脆口感，食起來幾特別。