784
40
16
港铁观塘站 B2 出口, 步行约6分钟 继续阅读
电话号码
63719639
开饭介绍
位于工厂大厦内的台湾菜餐厅,装修简约,座位宽敞。以台湾牛肉面作招徕,另有供应多款台湾小食、便当、卷饼及饮品等。 继续阅读
营业时间
今日营业
12:00 - 21:00
星期一至日
12:00 - 21:00
付款方式
现金 八达通 PayMe
以上资料只供参考,请与餐厅确认详情
食记 (877)
等级4 2024-06-14
590 浏览
岩岩旅行完返來,放血成功,同友人食飯都要搵D經驗實惠,又令我諗起佢未開餐,先叫嘢飲。提供多款台式飲品,分別點了熱百香果紅茶 ($26)及凍荔枝紅茶 ($30),兩杯份量超夠,甜度岩岩好,餐內飲唔完仲可以拎走繼續飲。主食先上枱,紅燒牛肉麵食得多,未試過牛三寶麵 ($80),原來三寶即係牛腱肉,牛筋及牛肋條。差唔多舖滿成個碗面,仲有紅白蘿蔔作配菜。三樣都煮得夠腍及入味,特別係牛腱肉,肉之間帶少少膠原蛋白,炆煮後口感更見Q彈。麵底選用刀削麵,麵質比較煙靭爽口。對呢度嘅麻辣鴨血麵($75)忘不了,差唔多每次黎都要食。麻辣湯底加上見到椒粒係米粉上,未食已經流口水。鴨血都佔滿四份一個碗面,入口相當嫩滑,係要配麻辣湯底先岩數。麵轉新竹米粉 (另加$5),鍾意佢幼細好索湯,放一注係匙上連湯一齊食,咀邊開始有點發麻,但過癮。加點綠色就要個麻辣青瓜 ($22),麻辣味唔太嗆口,撈埋落青瓜食幾醒胃口。台灣小食點少得蛋餅,多款選擇中,今次叫咗肉鬆蛋捲餅 ($39),一條切開4件方便易食。蛋香外皮包住甜味肉鬆,咸咸甜甜咁,唔錯。呢度嘅午市套餐時間可以去到五點半,若果習慣早食晚餐都可以考慮吓。 继续阅读
(以上食记乃用户个人意见 , 并不代表OpenRice之观点。)
今天終於有機會到最優秀開飯「東南亞菜餐廳」獎和最優秀「觀塘區開飯熱店」獎日月吃午餐。到達門口時, 一句「縱未知明日福禍,仍約定你下月平安相聚。」相當有gimmick。餐廳不是很大,裝修也頗有特色,有一種Raw的感覺。我們點了:牛三寶麵(牛筋條、牛筋和牛腱肉)果真是最出色的麵!湯底十分濃郁,刀削麵底很有咀嚼感。牛筋條和牛筋都具有煙韌爽口的口感,而牛腱肉則更加軟嫩多汁。所有牛肉都是厚切的,咬下去有彈牙的口感,並且帶有濃郁的肉味。此外,配菜有白菜和紅蘿蔔,令湯底更加甜。白菜和蘿蔔吸收了湯底的味道,十分好吃。紅燒半筋半肉麵牛腱肉入口軟嫩而不黏牙。湯底香濃,味道濃郁。牛筋具有嫩滑的口感。麵底同樣是刀削麵,非常有咀嚼感。炸鹽酥雞外酥內嫩,味道香脆可口。內部肉質仍能保持著嫩滑多汁。枱上還有不同的調味粉供人調校自己喜歡的味道。蛔仔煎蚵仔大小適中,薯粉和蛋漿的比例恰到好處,味道很有特色。還有上面的醬汁甜甜酸酸的,和蚵仔煎非常夾。凍黑糖珍珠奶茶凍黑糖珍珠鮮奶口感順滑,甜度適中。珍珠夠彈牙。還有濃郁的茶味,份量也相當大。 继续阅读
(以上食记乃用户个人意见 , 并不代表OpenRice之观点。)
同Mina食完晏晝,去觀塘附近行吓,去到下午茶時間,Mina姐話肚餓,咁我哋就帶佢去搵下午茶食,行下行下,見到工廈有日月堂的店牌,今次我哋就去試下觀塘工廈的人氣小店_日月堂日月堂位置於觀塘嘅工廈之中,觀塘地鐵站B2出口行向觀塘廣場方向行5分鐘就到,裝修充滿住台灣嘅古早味,用水泥牆嚟做裝飾,枱凳用木製為主,牆上掛住一塊塊木牌,好濃厚嘅台灣氣息。✨今次選咗以下食品✨🌟紅燒牛肉麵$80牛肉炆得好腍又入味,每片牛肉都好厚,面嘅口感好彈牙,湯底夠濃,🌟 起司雞扒便當$62滷肉飯個滷汁煮得夠入味,雞扒炸得香脆內軟,配埋芝士醬,邪惡又惹味!Mina好鐘意食個雞扒同飯,食完2舊都唔夠,仲要叫爸爸再夾!🌟起司肉鬆蛋卷餅$40蛋餅即叫即整,新鮮又熱辣,外皮煎得微脆,中間嘅芝士夾雜着香口嘅肉鬆,咬落去每一啖都有芝士同肉鬆!🌟台灣香腸$40台灣人氣小食,自家製嘅台灣腸,每食一口就夾一片蒜頭,滋味又食唔停口!🌟黑糖珍珠奶茶$28食台灣嘢必叫嘅珍珠奶茶,加左黑糖都唔太甜🌟鳳梨紅茶$30食完咁多煎炸濃味嘅食物,飲番杯冰涼的鳳梨紅茶,解一解滯。 继续阅读
(以上食记乃用户个人意见 , 并不代表OpenRice之观点。)
等级4 2024-07-14
0 浏览
繼續係觀塘返工作坊搵食,今次同學仔就帶左我再走入啲,食台灣風味嘅好東西。餐廳佈置都充滿台灣氣息,水泥牆、木製枱凳,再加埋牆上嘅木牌佈置,好令人有人置台灣感覺。大熱天就當然先嚟兩杯解渴凍飲,我嘅鳳梨紅茶同埋同學仔嘅黑糖珍珠鮮奶,兩杯味道都唔錯,最重要係佢一啲都唔甜,所以密密飲多啲都冇咁邪惡。同學仔嘅紅燒牛肉麵,牛肉都好厚而且炆得好腍又夠入味,而且麵條夠彈牙口感唔錯。我嘅傳統豬腳便當,豬腳肉質嫩滑入味,而且又多肉,再配埋份量都唔少滷肉飯,真係好味又抵食。另外再加左兩份即叫即炸嘅小食,台式鹽酥酥炸魷魚,佢個炸粉又薄又脆,而且魷魚口感彈牙,絕對係忍唔到口要食完一條再一條。炸到金黃色嘅梅子地瓜條,每條都炸到脆卜卜,加埋有甘梅粉一齊食,甜甜地好惹味。 继续阅读
(以上食记乃用户个人意见 , 并不代表OpenRice之观点。)
等级4 2024-07-12
0 浏览
老友帶我食平靚正,大大碗勁抵食,裝修清雅環境座位都舒服。我們點左:牛三寶麵$80,有牛肋條、牛筋和牛腱肉,炆得軟腍入味,刀削麵煙韌,湯底味濃帶甜。清燉半筋半肉麵 $75,厚切牛腱肉腍滑、牛筋味濃又彈牙,牛肉味香濃。炸鹽酥雞$48,炸得外脆內嫩,雞肉嫩滑多汁,鬆脆可口。酥炸魷魚 $48,薄粉漿魷魚酥脆好美味,魷魚不韌好吃。凍黑糖珍珠鮮奶$34,奶味香滑,珍珠彈牙,甜度適中。熱黑糖珍珠鮮奶$32(加$6蜜糖蘆薈),珍珠可口,蘆薈清甜。 继续阅读
(以上食记乃用户个人意见 , 并不代表OpenRice之观点。)