鴻星中菜 (源成中心) (已結業)

因為實在太耐冇飲茶, 有 d 掛住燒賣嘅味道😆所以就同全家6大1B 總動員去左鴻星!雖然鴻星比起其他觀塘茶樓理應唔會等太耐, 不過可能我地需要大枱嘅關係, 都等左半個鐘左右, 不過為左燒賣, 冇計啦😂😂終於有枱啦, 其實我地一早已經同帶位講左需要 BB 凳, 不過佢地都要成15分鐘先拎到比我地我地叫左幾籠點心同炒飯麵各一碟, 不過冇諗過炒飯麵會快過點心先講瑤柱蛋白炒飯, 炒飯粒粒都夠乾身, 而且都食到有好夠嘅蛋香味, 瑤柱嘅份量都好足😚所以鹹淡適中。而 XO醬炒牛河就夠晒惹味, 牛肉都好多, 而且每一條河炒都有 XO醬, 只係比教鹹左少少。為左小朋友叫左個豆沙小豬嘜🐷一黎到相都未影得切已經比小朋友搶左其中一隻, 證明隻小🐷外表好吸引😆咬落去雖然用豆沙做, 不過唔會太甜, 而且個包都好鬆軟, 有驚喜啊！牛肚夠入味, 老人家冇牙都食得到😂而且份量好多。比較失望係蒸蘿蔔糕, 蘿蔔絲同粉散開晒, 而且食得出上面嘅蝦米臘肉蒸得太耐而變得冇味所以只係剛剛合格。其實我地仲叫左我好想食嘅燒賣, 但係一上枱就比大家掃清燒賣嘅皮包得好靚, 而且裡面隻蝦夠鮮甜。好耐冇食點心, 過左一個好滿意嘅午餐。