珍寶海南雞專門店 (已結業)

老實講 好失望 因為冇誠意本來係睇到朋友分享 推介呢間既香煎三文魚飯所以就黎一試 去到舊舖先知原來搬去新店，而今日係新開張第一日，店員告知今日只得海南雞飯，明天開始先有其他食品供應。雖然有d失望，但唔緊要！既然係海南雞專門店，就試下海南雞。叫左兩碟海南雞飯，跟飲品一杯，另外加左一碟油菜。其實一坐低個時見面隔離枱碟油菜幾靚仔，價錢15蚊又幾大碟，所以就叫左，但碟菜一到 ，份量真係好少，係比隔離枱既少一半份量！咁公平咩？雖然味道幾好，但呢個份量，不能接受！見到隔離枱碟海南雞飯上枱，我見到四件雞肉。我心有不妙，到自己個兩碟黎到，冇錯，加埋八件雞肉。飯量係足夠，味道都幾好，係有d米未煲熟咁，好硬。但只得四件雞肉，當時有種覺得被施捨既感覺(真係多謝哂你) 雞肉部位好似亂執俾你咁，肉唔完整，第一眼望落感覺好差。其實味道係幾好，肉質都好，睇舊舖既食物相都幾好，點解今日會咁？如此冇誠意，的確有d失望。**係我地食緊個時，開始聽到店員話海南雞要等約十分鐘，到我準備埋單，見到隔離枱碟飯好似多返d雞(5件)可能頭先海南雞就用完，可能新舖未準備好，但其實可以準備好先開張。