米線樂•麻辣豬骨濃湯 (已結業)

- 位於長沙灣既米線樂，係間主打麻辣豬骨濃湯米線既小店。店舖食物種類豐富，價錢實惠又親民。- 今次我同朋友就叫左佢地既招牌麻酸辣豬骨濃湯米線，仲另外加左孜然免治雞肉棒同蝦膠腐皮卷做配菜。呢碗米線份量十足，米線唔會煮到過淋，岩岩好。湯底方面，麻辣同酸味好平衡，唔會食到有白醋味，食落唔會拿喉，豬骨濃湯認真一讚🤩。- 孜然免治雞肉棒表面脆脆地，內裏軟淋淋，好香雞肉味。而蝦膠腐皮卷，就表面脆卜卜，內裏好有彈性，勁彈牙！- 另外，我地都叫左招牌涼拌涼皮，再額外配孜然炸雞翼同酥炸墨魚膠豆卜。佢地既涼皮係凍撈，凍凍地又酸酸辣辣咁，夏天食勁醒胃啊！醬汁方面，呢碗比較濃味，配埋炸黃豆，食食下辣味後勁就黎料，仲有少少脆口。- 孜然炸雞翼就類似CP雞翼，配搭孜然粉好夾！而酥炸墨魚膠豆卜，豆卜好有豆味，內裏釀既墨魚膠有少少墨魚粒粒，同樣非常彈牙。- 由於店內食物真係非常多，我地又好肚餓。所以再叫左兩款小食，麻辣墨魚咀拼軟骨同蒜泥白肉。兩款小食都係香醋麻辣汁，但外面好少食到墨魚軟骨，真係非常特別。兩份小食份量都好多，蒜泥白肉肥瘦均勻，加上大量蒜蓉，無得輸！- 食完咁邪惡既食物，當然要叫飲品啦！今次我地叫左白桃乳