小嵐山 (已結業)

親民日本菜@樂富套餐好多嘢食，CP 值唔錯。我哋兩個人食，二揀一之下就揀咗特上 2 人前～特上刺身盛插咗花又有煙霧效果，無諗過個賣相會咁有誠意 總共有四種刺身，前面有牡丹蝦、帶子同呑拿魚刺身。牡丹蝦勁大隻，好彈牙！帶子都好鮮甜。後面仲有三文魚腩，好大件又肥美，好好食 炸軟殻蟹沙律落咗柚子醋，清新開胃。軟殻蟹外層炸到脆卜卜，真係有成隻蟹，唔係碎濕濕咁～牛肉野菜鍋物超多料，牛肉幾高質，好滑嫩～ 冬菇、金菇同粟米等等入哂味，全部都好食 芝心火炙三文魚卷係創意卷物，中間除咗有芝士，仲有條脆卷。上面嘅三文魚好厚身，再加三文魚籽，成個卷口感都好豐富。鹽燒鯖魚魚皮燒得微焦，都幾酥脆。魚肉金黃，唔會乾淨淨咁。甜品係兩粒雲呢拿雪米糍，不過不失啦～而家仲有大抽獎，係個好似掌門人嘅轉盤，都幾得意，哈哈！