小嵐山 (已結業)

相隔幾個月，再次來到這裡，今次多啲人一齊食，除左雪嵐一家，仲叫埋雪嵐嘅公公婆婆和姨姨一齊食呀，當然會食多幾款嘢啦！🥢嵐山八品刺身：八款刺身，每款3件，最正係個海膽，我唔係度度嘅海膽都鍾意食，這裡的確不錯👍🥢特選壽司定食：10件壽司🍣一件手卷，仲有湯個烏冬配埋，份量十足！🥢蟹籽沙律：上次叫過，保持水準，份量也好夠🥢鹽燒三文魚腩：亞女都鍾意食，燒得好好，味道又不太鹹😋🥢鹽燒特大多春魚：size比想像中小（因為佢話特大吖嘛），而且有啲鹹，下次未必會再叫😌🥢炸薯條🍟：哈哈，食日本嘢都要叫，我們一家有啲怪，不過都好食嘅，如果你愛香草、愛啤酒🍻這是不錯的選擇😁🥢雞泡魚乾：這個送酒一流，唔飽肚，有咬口🥢雙色芝士蟹棒天使麵：普普通通啦，因為唔係好夠飽，所以叫多個麵食，要趁熱食，否則芝士會硬咗無咁好食！…查看更多

小嵐山好近樂富地鐵站，行2-3分鐘到就到。位置有少少隱蔽，好容易就錯過左。地方幾寬闊，坐得幾舒服😌 睇下餐牌先!!平日一至五中午有Lunch set，都幾抵食喎!! 除左set，都仲有好多其他選擇：拉麵、定食、丼飯、吉列炸物等應有盡有。我就揀左個網燒牛扒定食同熱菊花蜜（$68）好豐富既午餐呀！前菜有麻醬豆腐沙律，三文魚刺身兩件，天婦羅蝦卷物，仲有炸春卷!!!個牛扒係薄身既，煎到剛剛好，唔會靱，非常好吃😋😋😋下次會再黎！…查看更多

星期日晚想吃生蠔又想吃刺身，人在樂富又再次選擇了小嵐山坐下馬上點了特價法國白珍珠生蠔三隻，再加刺身八品。先說生蠔味道不錯。刺身類以油甘魚及劍魚腩最出色，挺肥美的。其次為甜蝦及海膽，以$228這個價錢來說，確實非常非常非常抵食，甚至可以說比附近的連鎖店更好吃。再來點了壽司，有松葉蟹膏及左口魚壽司，當中左口魚比較出色，油脂滿滿，很肥美是我最喜歡的質感。至於加州反卷味道也不錯唯獨欠了日式沙律醬就略有失色。整體而言：食物：質素不錯，確實比連鎖店的壽司更出色，而且價錢優惠，真是街坊恩物。環境：日式居酒屋風格，座位寬敞服務：侍應很勤勞，快速。PS: 小店推出消費$250再參加轉輪盤抽獎，幸運地抽下大獎海膽一板，真是益街坊！…查看更多

雖然提早慶祝咗，但正日結婚週年紀念日當然都想食好啲，時局不穩，唔想去咁遠，在Openrice搜尋附近食肆，竟然比我發現有新餐廳😳當然第一時間book位，兩大一小吖唔該😋去到可能時間尚早，不是太多人，即刻可以入座，這食肆類似日式居酒屋，食物種類都幾多，我們叫咗刺身、炸生蠔、蟹子沙律、燒牛肉烏冬，上菜都算快（可能不是太多人）。刺身都幾新鮮，又夠厚，老公都話正！炸生蠔炸粉唔算多，配埋蛋黃醬，都ok。蟹子沙律份量就小咗啲，但沙律醬不會好水，我鍾意。燒牛肉烏冬就最適合亞女，分量都幾多，燒牛肉都幾野味，不錯。最後埋單三百幾，不算平，但都合理吧！…查看更多

晏昼嚟食晏, 對於樂富依一個食物沙漠嘅地方, 小嵐山係一間算係唔錯嘅選擇, 價錢唔係特別平, 但係佢唔似啲連所店咁, 出品與佢個價唔相稱, 似一般小店咁, 有啲誠意, 今日食晏就叫咗一個刺身定食。刺身定食 - 刺身溶雪做得好好, 伙太凍太冰的情況, 中間隻蝦嘅蝦頭還有少少膏添, 油甘魚唔係好肥, 有啲瘦, 三文魚同樣問題, 八爪魚同赤貝都係一般貨式, 但溶雪做得好, 無雪水味, 所以都食到佢啲鮮味嘅。另外佢啲米係幾好食嘅, 日本米, 黏口, 有米飯香同甜味。午時無加一, 78蚊餐就係收78, 樂富嚟講佢算唔差。…查看更多

做完運動要獎勵下自己，今次就食左個性價比高魚生飯👍🏻👍🏻👍🏻四色火炙魚生丼(lunch set)🐟🐟雖然要等左15分鐘先有得食，但一睇個賣相已經好覺得值得，因為真係好吸引🤤🤤🤤個魚生丼會有火炙三文魚，赤蝦，帆立貝同埋蟹棒😌，仲可以撈埋d中華沙津落去添🤣🤣🤣魚生食落去都幾新鮮，唔會有腥味，三文魚都唔會有筋👍🏻👍🏻👍🏻不過個飯會有少少實，記得落醬油整鬆佢啦😌午市不設加一，跟餐有凍/熱菊花蜜🌼🌼🌼…查看更多

今日要去又一城睇戲，睇之前就嚟樂富食個晚餐先。朋友揀咗依間日式餐廳豬肉拉麵我鍾意佢個湯底，味道足夠。份量唔算好大，只係個碗好大。大家可以睇圖片：壽司方面，我叫咗三文魚腩同埋三文魚子。三文魚腩未到正常，而三文魚子呢就唔知點解每一粒都好甜，正常應該係咸嘅先啱。所以壽司方面我只係覺得一般般。環境方面，餐廳算大，我哋七點幾嚟到仲有好多空位。食到8點左右開始多返d客人，差不多滿座。價錢唔算貴，但亦唔覺得特別抵食。餐廳總體表現中等。…查看更多

朋友去樂富踢波，隨便搵間野食，估唔到咁有質素！兩個人叫左5樣野食，埋單$250。三文魚壽司 $16 兩件三文魚厚切，質素正常，飯比例岩岩好，但如果正係想食三文魚建議叫刺身，一來更厚切，二來價錢都係貴$10，唔洗食咁多飯頂胃。雞肉雜菜鍋（豬骨湯底）$78好過出面啲一人邊爐。料：圖見到以外仲有金菇、粉絲，好多娃娃菜雞肉有黑椒調味，加上豬骨湯，唔會白烚冇味娃娃菜好多，二人share岩岩好三文魚刺身$48厚切，新鮮，夠凍蟹籽蟹肉沙律$48大份足料，蟹肉蟹柳絲都好多，唔會比沙律醬蓋哂啲蟹肉味，差在唔夠凍芥末八爪魚手卷$20個人覺得可以出迷你手卷，芥末味夠唔會太攻鼻，八爪魚彈牙，但飯量太多，如果飯包有埋餡就冇咁齋，最尾舊飯要點豉油食（唔想嘥野先食埋）總結：質素不錯每款菜式都大份位置就腳，地鐵站過兩條條馬路…查看更多

Worst service ever I have received a payment and it costs like 100 for a ramen although the food was ok but just don’t go there. We go there by dinner and the waters are always so quick but they talked to us in a loud voice and they also leave a lot of seats with a lot of people outside waiting.…查看更多

第一次黎，食咗個晏晝飯兩大一細b 嗌咗 青魚定食同埋一個五花腩拉麵（配 加州卷或三文魚壽司）係豬骨湯底, 未見有乜驚喜，正常。 青魚定食個珍珠米飯有啲硬，侍應嚟收盤嗰時我仲有半碗飯剩低， 我主動同個侍應講返話啲飯有啲硬叫佢同師傅反映下， 有個高級少少嘅聽到細細聲問個侍應咩事， 我坐多10分鐘，但到我走之前都無人嚟同我交帶一聲個飯既問題， 覺得作為一間日本餐廳連個珍珠米都煮唔好真係有啲失望，仲要係無回應客人既意見。我感覺服務一般。…查看更多

屋企附近開咗間日式餐廳都已經一段時間，星期日同太太及兩個女去試試，可能是中午時段，去到已有很多人排隊，不過都只需等10分鐘左右就可以入坐。餐廳不算大，相比起隔壁的三哥譚仔，真係細好多，不過坐得好舒服及濶落，冷氣亦夠大，啱晒這個季節。現場環境清潔企理，員工有禮，點餐後都好快有得食。今次點了三個餐，滑蛋吉列豬扒定食、五花腩义燒拉麵、滑蛋鰻魚定食，基本上食物還可以，不過較普不算特出，有待改善。環境舒適，下次會試試其他食物。…查看更多

估唔到呢度都有拉麵食咁因為唔係太肚餓所以就叫咗個豬軟骨拉麵 份量都足夠嘅湯底就略嫌清淡咗啲啦豬軟骨就正正常常唔會太硬 拉麵入面除咗配料之外仲有半隻蛋食完都幾飽㗎 呢度人唔算多所以可以好好享受…查看更多

今晚同朋友去咗樂富嗰邊商場搵嘢食，見到呢一間日本餐廳望落去價錢同埋質素都好似幾吸引，就入咗去試一試。火炙三文魚 $18火炙左口魚 $24火炙鰻魚  $42我哋叫咗三款火炙壽司，基本上嚟講佢嘅壽司都做得唔錯呀。三文魚同左口魚燒到好香，入口即溶，鰻魚做好厚身，啖啖肉。三文魚三品盛 $38 三文魚$48北寄貝$48另外我哋仲叫咗三文魚同北寄貝刺身同埋三文魚三品盛。總括嚟講佢嘅刺身質素都幾高，而且價錢一啲都唔貴，非常抵食。芝心吉列蝦卷  $68呢一個芝心吉列蝦卷幾特別，因為佢除咗有吉列蝦同芝士之外，仲有甜蝦同櫻花蝦放喺面頭，食落去多重滋味嘅享受。芝心鰻魚卷  $68鰻魚卷都係一貫嘅水準。紫心香芋丸 $28好香好好食，甜滋滋。酥炸 魷魚鬚  $45我就覺得油咗少少，冇咁油嘅話會仲加好。蟹子蟹肉沙律  $48非常足料嘅沙律，蟹籽同蟹肉嘅份量都好多。串燒雞腎  $28串燒大蔥牛柳粒$48串燒都唔錯，食落去非常香脆，而且熱辣辣，亦都冇過份嘅調味。九州叉燒 拉麵 $65鍾意食拉麵嘅朋友仔可以試下，啲拉麵煮得幾爽口。清酒昆布煮蜆$58超濃嘅清酒味， 蜆肉都幾新鮮，味道好夾。鹽燒三文魚腩 $58三文魚腩已經多油脂，燒香佢，外脆內嫩，一流。…查看更多

樂富商場圍板裝修已經一段時間啦，好彩比我搵到呢間小嵐山仲係照常營業三貝丼$98活赤貝、帆立貝、北寄貝，出面較少食到活赤貝，爽口鮮甜，帆立貝係巨形帆立貝，特別甜。性價比高串燒冬菇（2串）$22串燒免治雞肉棒（2串）$34好好味嘅串燒～免治雞肉棒混埋雞軟骨入去打，口感特別豐富，冬菇簡單以鹽調味再燒已夠晒香芝士焗元貝（2隻）$42元貝鮮甜，白汁同芝士都夠多鹽燒三文魚腩$58鹽燒超級脆！！唔會太肥太油膩，魚肉多，好快食晒牛肉野菜鍋$88原鍋連爐一煲上，滾起就食得啦，建議食左牛肉先，再慢慢食蔬菜，配壽喜燒湯底特別好味…查看更多

新開左咁耐係樂富都未嚟過假期都唔使等位就即刻入去啦！原本想買日式火鍋探星期六日唔提供就叫咗個三文魚海膽丼$78都有幾多餸除咗三文魚同海膽之外仲有玉子同埋蟹柳，海膽都幾鮮甜，系個樣唔靚仔，送到黎已經散晒，三文魚夠厚身，食物都新鮮，價錢來講$78超值芝士竹輪拉麵$58個湯麻油味好重，好岀前一丁feel,份量都多，味道就一般，勝在價錢平…查看更多