潮食居酒屋 (已結業)

上星期五同個friend揀咗呢間 朝食居酒屋 食晏，最近新開嘅，門口位仲有隻粉紅豹椅，可以坐喺度等位或者打卡。由於好肚餓😂，我哋order咗和風牛肉同埋鹽燒鯖魚午餐定食，燒茄子串，燒和牛粒串，軟殼蟹同日本南瓜天婦羅，明太子玉子燒。牛肉定食味道調配得好好，送飯一流！鯖魚份量好足，啲肉唔會“嚡颯颯”，白飯軟硬度適中。燒茄子串配搭嘅醬汁一絕！有驚喜嘅係軟殼蟹，好脆口，平時食都係一嚿起兩舊止，喺呢間店我哋好快食曬！！南瓜天婦羅好青甜，又唔會好多粉漿，至於玉子燒，如果蛋捲做得唔好太熟口感更加好。