梅之味 (麗都大廈) (已結業)

呢間睇落平民嘅台式餐廳 老闆娘原來係高雄人 一坐低佢就好熱情咁推介食物 發現佢好多材料甚至麵都係手作自己做 特別新鮮！麻辣炸雞排肉躁飯佢嘅炸雞排真係好出色 皮脆肉嫩 份量都好足 加上麻辣醬汁 更加惹味！是日限定 貢丸米粉呢碗睇落平平無奇 但所有丸都係自家制 所以非常彈牙 特別係香菇丸 仲有紅麴同埋原味貢丸都好好食 老闆娘講原來米粉都係自己手作 真係100% Handmade好有誠意總括嚟講係一間好親民嘅正宗台式餐廳 食物價錢 環境 甚至老闆娘都非常親民 而且食物好有水準 好值得支持嘅小店✨