燒烤堂 (已搬遷) 新店位置

今日收工約咗個閨蜜食晚餐，飲酒傾偈、食串燒，今次去咗「燒烤堂」旺角分店，我哋平日晚上18:30上到去，已經座無虛席，好彩有book位～呢度嘅串燒選擇好多，我哋選擇咗；鹽燒原塊雞皮、鹽燒雞軟骨、汁燒新鲜雞肝、惹味爽口雞腎、厚切鹽燒牛舌芯、韓式牛骨髓、蒜蓉燒蟶子、手釣墨魚鬚、豚肉日本蘋果、汁燒煙軔年糕卷、孜然豚肉韭菜花卷、麻辣豬大腸、鹽燒白鱔、味醂魚干、明太子飯團、牛油蒜蓉焗雜菇、孜然燒蒜芯….. 我最鍾意呢度嘅；厚切鹽燒牛舌芯：肉質彈牙爽口，肉感十足，濃郁牛舌味～韓式牛骨髓；牛骨髓唔係好多地方有得食，呢度仲要用咗韓式嘅配搭，好特別，牛骨髓滑捋捋入口即溶～鹽燒原塊雞皮；大大塊卜卜脆，好香口又唔油，正呀！好豐富呀！而且呢度價錢親民，下次我要叫成班friend一齊嚟先～