泰潮 (嘉咸街) (已結業)

中環舊區呢邊有好多好嘢食，高檔的中西日餐廳有，大排檔有，親民價米芝蓮泰菜都有。講緊嘅係位於嘉咸街的泰潮，佢嘅深水埗店早幾年已經得咗獎，我都排隊食過一次，味道當然係好啦。呢間中環店平時午市係好爆的，所以我哋絕對唔會喺午市來，要食的話頂多係叫外賣，佢哋可以外賣app架。好鍾意佢的室內設計，雖然係無豪裝，但係佢做咗曼谷唐人街的街景做佈景，喺呢度食嘢就好有置身在曼谷咁。晚市有抵食二人套餐，有好多嘢食，$298無須加一，實在好親民。【酸辣鳳爪】鳳爪煮得腍，酸辣味十足，入晒味，又開胃。【海南雞】招牌菜式之一，雞皮薄，唔肥，爽口得來又香滑。雞肉非常嫩，有雞味，點上秒製汁醬更加好味。【咖喱牛筋腩】咖喱香味濃郁，又唔會太辣，適合香港人口味。牛腩煮得腍，啖啖肉好有口感。咖喱汁係非常之好味的，所以用來撈飯係至一流。【冬蔭功湯】個冬蔭功湯好大碗，足足可以分到六碗出來，我哋每人乾咗三碗都仲未夠喉，因為佢嘅味道非常好，而且有好多材料，例如肉丸，鮮複、草菇和番茄。【炸蝦餅拼春卷】呢兩個炸物的水汁都很高。出來的時候仲係好熱的。材料足，啖啖蝦肉。【炒雜菜】雜菜炒得充滿蒜香味，鹹度有點特別，我估應該有落魚露。【椰汁糕】最