牛陣 (愉景新城)

营业中

休息中

星期日family地去邊度玩好？我就揀咗去愉景新城行街同埋食晚飯！貪呢個商場多親子商店，餐廳寬敞較多選擇！其實都有一段時間冇去打邊爐，經過牛陣，比阿女發現有個棉花糖機，佢就話要入去食，咁當然我哋大人都好想食牛肉，既然牛陣嘅食物選擇咁多，當然可以滿足晒我哋三個人唔同嘅須求😆我哋三個人有三個湯底，我揀咗美肌豚肉骨煲湯底，阿女揀咗個蕃茄湯底，老公就揀咗個藥膳辣湯底！一人一個鍋就唔會爭啦。牛肉都係一樣新鮮，舖頭入邊嘅食材全部都好新鮮同衛生！醬油又多選擇！飲品甜品，糖果棉花糖都係無限量供應！食到攬住個大肚腩走，都係幾舊水！食完仲可以去秋彈彈波添😍牛陣唔止係大人啱食，小朋友都好啱食，下次唔知食乜嘢就可以再嚟牛陣打邊爐😃不過當然有時限啦😎