伴糖水 (已結業)

現今甜品千變萬化，但有時候始終係想食返啲最傳統既港式糖水，最有親切感🫶🏻店舖只做外賣，由兩位年輕人主力打理。糖水款式唔算多，大約只有12款。不過全部都係心思足料製作，仲會即叫即製添。本來好想試紅棗桂圓桃膠，滋潤下嘛☺️可惜賣晒🥹老闆話係搶手貨黎架！最後叫左熱既蕃薯糖水同香芋白果西米露。前者蕃薯超大舊，個人覺得如果多再重啲薑味就更正😋後者芋頭味好濃，西米彈牙，芋頭粒仲好多添！不得不提外賣既碗保溫效果好好👍🏻除左糖水，佢哋仲有港式小食賣架，連燒賣都有3款添！