影片
更多
2022-07-18
104 浏览
近期突然殺出嘅omakase小店，個人幾BUY呢類「做精唔做廣」嘅餐廳，晚市得一個餐，大家食同一樣野，出品都會更加盡善盡美。餐廳地點唔算就腳，介乎北角同炮台山中間，炮台山地鐵行過去一兩個字左右。喺城市花園酒店斜對面，住北角嘅應該一講就知邊度。成個餐由冷盤至熱餚、由清淡到濃郁，過程中完全唔會俾上一味蓋過或影響下一道菜嘅味道，feel到上菜次序係經過用心思考鋪陳。服務態度良好，斟茶收碟時間拿捏得岩岩好，唔會令顧客感覺被冷落。套餐有廿幾道菜，無逐一影低、太多未能盡錄：-美人水母海蜇嘅爽脆口感，由呢味冰涼爽口又帶微酸嘅開胃前菜開展晚餐非常合適。-海膽杯最記得師傅介紹水雲有排去腸內毒素嘅功效，酸maymay，混和鮮甜嘅赤膽，酸甜交雜，消暑順喉。-生蠔以肉厚取勝而非體型大小，口感肥嫩厚身，酸汁做成啫喱狀，提味去腥之餘又唔會流到周圍都係。-鮟鱇魚肝師傅毫不吝嗇地切咗一大塊，與蔬菜同煮，無肝腥之餘仲非常鮮甜，口感綿滑。-蟹膏蟹肉蟹膏拌勻，鮮味超~濃厚，一啪入口油香傾巢而出，加配少少飯食平衡膩感，食完真心想再添。-糖心鮑睇色水都知花咗好長時間去煮，鮑魚一啲都唔韌，好稔又軟身。-壽司池魚王：魚味較突出，濃
餐廳地點唔算就腳，介乎北角同炮台山中間，炮台山地鐵行過去一兩個字左右。
喺城市花園酒店斜對面，住北角嘅應該一講就知邊度。
成個餐由冷盤至熱餚、由清淡到濃郁，過程中完全唔會俾上一味蓋過或影響下一道菜嘅味道，feel到上菜次序係經過用心思考鋪陳。
服務態度良好，斟茶收碟時間拿捏得岩岩好，唔會令顧客感覺被冷落。
套餐有廿幾道菜，無逐一影低、太多未能盡錄：
-美人水母
海蜇嘅爽脆口感，由呢味冰涼爽口又帶微酸嘅開胃前菜開展晚餐非常合適。
-海膽杯
最記得師傅介紹水雲有排去腸內毒素嘅功效，酸maymay，混和鮮甜嘅赤膽，酸甜交雜，消暑順喉。
-生蠔
以肉厚取勝而非體型大小，口感肥嫩厚身，酸汁做成啫喱狀，提味去腥之餘又唔會流到周圍都係。
-鮟鱇魚肝
師傅毫不吝嗇地切咗一大塊，與蔬菜同煮，無肝腥之餘仲非常鮮甜，口感綿滑。
-蟹膏
蟹肉蟹膏拌勻，鮮味超~濃厚，一啪入口油香傾巢而出，加配少少飯食平衡膩感，食完真心想再添。
-糖心鮑
睇色水都知花咗好長時間去煮，鮑魚一啲都唔韌，好稔又軟身。
-壽司
池魚王：魚味較突出，濃、香、鮮，口感偏緊實，好食。
帆立貝：鮮甜又爽彈，新鮮多汁。
赤身：魚味較重，口感偏瘦削，為下一道中拖作舖排。
中拖：入口即化，無筋，油脂恰到好處，香而不膩。
海膽：如海膽杯鮮甜，配埋爽脆嘅紫菜，更加突出到海膽的甜。
-茶碗蒸
時間火候把握得幾好，無疙瘩或氣孔，好水嫩水嫩，加咗啲櫻花蝦，食落帶啲crispy，口感豐富。
-明太子龍蝦
晚市先有，粉漿厚薄適中，令龍蝦增添咗一點香口，明太子醬咸中帶甜，中和咗炸物嘅油抑，又無影響龍蝦嘅Q彈，第一次食炸龍蝦，估唔到有驚喜。
-甜品
係師傅自製嘅芝士蛋糕同蜜瓜，當晚有其他客生日唔記得咗影，好中意呢度嘅氣氛，師傅會作為中間人，拉近食客之間嘅關係，即使大家唔識大家，都可以傾得埋玩得埋，好有親切感，感受返香港嘅風土人情味。
過咗一個充滿溫暖嘅晚上，呢間餐廳一定會翻兜~
张贴
